BenjaminSum Nih Zei Tluk In Dah A Zuamnak Ti  A Chim Cang Hih A Men Bak Lo

Myanmar Idol Season 4 Top 11 zuamnak ah a zuammi pawl thawnglatu pawl nih biahalnak (interviews) an ngeih cio hna. Cu lakah Laipa Benjamin Sum zong Top 11 zuamnak caah zei tluk in dah timhtuahnak a ngeih timi le a hawi sinin zeitindah thazaang a lak zeitindah a hmuhning a si timi thawngpanglatu pawl nih biahal an tuah.

Benjamin Sum nih cun a chimmi cu” Top 11 Live Show zuamnak caah fak piin timhtuahnak ka ngei i ka zuam. Cun pumpak zuamnak Green Mile a dih in ka sak dingmi hla ka ngai i zeintindah a aw ka chuah lai ti zong fak piin ka cawng. Aw chuah pekning a ka cawnpiaktu Saya-sayamah nih an kan chimh cawnpiak i fak piin ka zuam ve i, timhtuahnak ka ngei” tiah a chim.

Tutan ah Chinmi chungin minung pathum nih an kan telpiak kho i, an pathum tein atutiang Level an paknak ah cun an pathum tein teinak an hmu rih. Yaw Kee nih a chim vemi cu ” Atu tangmi minung 11 kan zah tein kan thiamnak cio zoh tikah kanmah le kan thiamning a dang cio hna. Top 11 a zuammi hna sinah cawn ding tampi a um. Amah nih cu bantuk hla pawl a sak thiam, anih nih cu bantuk hlasak a thiam i a aw ai tlak ti bantuk an si hna. Kan zah tein kanmah nih kan duhmi hla a ngah lo ruangah hla phunphun kan ngai kan cawng i timhlawmhnak kan ngei cio hna” tiah a chim ve. Top11 zuamnak cu October 31 zaan ah ngei a si tthan lai thazaang rak pe ve hna.

A chim tthan rihmi cu” Pawngkam hawi le kom sinin thazaang ka lakmi le hlawknak ka hmuh-ngeihmi cu tlangcungmi kan si bangin ka hla aw ka pekning le chuahning ah Kawl holh a fian huaha lo caah le a dawh lo caah ka hawi le kom nih cuticun, khatikhan na sak lai tiah an chimh an ka cawnpiak theu tawn i keimah zong ka zuam, unau bantukin kan um kan i kom hna” tiah a chim chap.