Benjamin Sum Zuklem Cuangmi T-shirt Le Lukhuh Cawk Khawh Si Cang, Thazaang Pe Cio Hna Usih: We Love Benjamin Sum Myanmar Idol Season 4 Official Group nih Benjamin Sum zuklem min cuang mi T-shirt le lukhuh cu an lim dih hnu ah mipi sinah an tlangzarh cang. Hi kong he pehtlaiin thaizing kiptuh Myanmar Idol ah an i zuam dingmi hla cu Rock hla a si lai i, mah zuamnak hmun ah hin Benjamin Sum fans hna cu lungrual tein amah chuahpiak T-shirt le lukhuh he zoh an i tim cio.

Hmanthlak kan hmuh bantukin T-shirt rawng “color” hi a engmi si i, lukhuh ah cu a nak siin a hmai ah Sumer tiin cuanter asi. Angki ah an cuanter mi hmanthlak zong amah nih a duh bikmi a si pinah a hmai ah Ben Ben tiin cuanter chih asi.

Chim cang bantukin lukhuh hi a nak in tuah a si i, a hmai ah Summer ti an cuanter, Summer ti a sullam hi Benjamin Sum auhnak he a khatmi asi i, Kawl tam deuh nih an kawhauhnak tu a si. Angki pakhat ah 6000MMK in zuar si i, lukhuh hi 4000MMK in zuar si fawn.

Cun, a saze hi M, L, XL tiin chuah a si i, cawk khawh asi cang. Angki cawknak kong he pehtlaiin cawk duhmi nih cun We Love Benjamin Sum manager simi Zwe Si Thu sinah cawk le pehtlaih khawh peng asi. Laimi-Chinmi zong nih thazaang pe in bawm cio hna usih.