Myanmar Idol Season 4 Top 4 zuamnak cu nizaan December 19 zaan ah zuamnak an thawk tthan i, minung pakhat nih funghnih cio an sak hna. Top 4 chungin Benjamin Sum cu hla dih hnuah Media nih biahalnak an tuah.

Media nih biahalnak an tuah i Benjamin Sum nih a chimmi cu “Tuzarh zuamnak cu hla fung 2 in sak ding a si ruangah ka thinphang ngaingai. Ka sakmi hla pakhat lehbang cu a phu (group) in sakmi a si ruangah ka thinphang ngaingai. Asinain tluang tein ka sak khawh ruangah ka lungtling ngaingai” tiah Media biahalnak cu leh hna.

A chimmi cu “Judges pawl i comment an ka pekmi zong ka diriam ngaingai. A bikin Tin Zar Maw nih thazaang a pekmi cungah ka lawm tuk hringhran. Ka nu zong a ngandamnak a tthat lo ruangah telpi dingin timhlamhnak a ngei lo nain hla fung 2 a zuam ding kan si ruangah ka thinphang tuk i ka telpi hram ko tiah ka nawl ruangah a ka telpi khawh i ka lawm taktak.

 

Vote dirhmun in a kalmi a si ruangah Summer pawl kha vote ka pe cio ulaw”,tiah a chim. A donghnak ah a chim tthanmi cu “ Tan Khun Kyaw zong a rak kir tthan ruangah ka lawm tuk. Kan i hmuh fatinte thazaang a ka pek ttheo tawn. Tuzaan ah minung 2 cu Myanmar Idol in an tla lai. Aho kan tlak hmanh ah tuarthiam dingin kan i ralring cang. Kan si khawh chungin kan izuam cang i tuar ding zongin kan i ready (ralring) cang”, tiah a chim.