Myanmar Idol Season 4 Grand Final tiang a phanmi Benjamin Sum cu pakhatnak (Winner) an si lo nain an U asimi Esther nih Pakhatnak (Winner) a ngah ruangah a lunglawmhnak le a diriamhnak fiang tein a chim phuan dih. Uar a um taktak an saduhthah tlamtling hram ko seh!

Benjamin Sum nih a chimmi cu “Final caah kan pathum in kan i zuam timlamhnak an kan ngei i hla pathum kan i zuam. Ka sak ttha tuk ko tiah ka ruah i ka diriam tuk. Cun kan pahnih in pakhat laksawng kan ngah lo nain kan Unu Esther nih pakhatnak a ngah i kan lawmhpi tuk ve.

“Ether sinah chim ka duhmi cu Myanmar pumpi i Idol asi bangin midang i zohchun tlak si dingin i zuam chin sehlaw tihi saduh ka thahpiakmi a si. Ahlanah hlasak zuamnak ah ka rak i rel bal lo i tutan hlasak zuamnak ah ka tel cu Pathian zaangfahnak thawngin Grand Final tiang ka phan kho. Tuni tiang phundang piin ka um i ka tthangcho ngaingai. Mah le mah i zumhnak zong ka ngei phah i mipi nihthazaang an ka peknak zong ka caah thazaang tampi a si.

“Cun judge pawl nih bia an chimmi hna zong kei ka caah thazaang taktak an si hna. Atu hi zuamnak kan dih cang caah hlasak leiah kar ka hlan chinchin lai i ka zuam chinchin lai. Myanmar Idol ah i zuam hlahning law mipi theih zong ka hlawh lai lo. Cucaah halsak leiah na lungthlitum hlawhtlinter na duh ahcun Myanmar Idol Season 5 zuamnak ah rak i zuam uh tiah kan sawm duh hna,” tiah Benjamin Sum nih a chim.