Benjamin Sum Nih Zeitik Caan Paoh Ah A Hmasa Bik Ah A Chim Zunglam Mi Bia Pahnih

Theihtlei

A nun uar um tuk. Ngakttah asinain Pathian bochannak le nu dawtnak tang te ah a tthang lianmi Laipa Benjamin Sum cu Myanmar Idol ai zuamnak ah Top 9 tiang a phan cang. Teinak a hmuh A hmaisa bik ah zeidang kong chim loin teinak a petu Pathian sinah ka lawm tiin Pathian cu a thangtthat zungzal. A chim lengmang mi biafang hna cu” Thanks you Lord, God is Good, Bawipa na ttha tuk e, Bawipa na cungah ka lawmtuk timi pahnih hi a chim zungzal mi an si.

Image result for benjamin sum"

Mah bia a chim hnu lawngah mipi sinah lawmhnak bia a chim tawn. Atu lio Myanmar Idol zuamnak ah top bak ah a dir i, winner caah zumh bik mi chungah ai tel mi lakah pakhat a si. A cawlcangh le lungput duh a nung i, thiamnak lei zongah mipi thinlung a hip kho tu zong a si. A caan tang rihmi zongah Bawipa nih lam hruai in umpi ko seh.

Relchih: A tang hi amah nih mipi sin le fans hna sinah sawmnak le lawmhnak a chim mi an si: Keimah Ka Caah Hlawhtling Bik Si Dingin Mah Hla Hi Keimah Nih Ka Thimmi A Si. Benjamin Sum: Keimah pumpak thazaang arak ka pe mi nan dih lak cungah keimah pumpak in lunglawmhnak bia ka rak in chim kho hna lo. Lam hlatpi ah um mi vialte keimah vote arak ka pek kho rih lo mi zong nih pumpak thlacamnak in nan rak ka bawmh cio caah nan dih lak cungah lunglawmhnak chim cawk lo ka ngei.

Image result for benjamin sum"

Nan dih lak pumpak, nan thlacampiaknak le nan lungthin chungah nan rak ka chiah zungzalnak lai hi ka hmun in sawm kan duh rih ko hna’tiah Benjamin Sum nih a fans hna sin le mipi hna sinah sawmnak le lunglawmhnak a van langhter cang. Tutan Ben Ben nih a fans pawl sinah sawmnak le lunglawmhnak bia arak langhter mi cu uar um kho tuk ko.

Kan laimi chungah Ben Ben bantuk in kum no te nih hi bantuk International Myanmar Level in hlasak zuamnak top dirhmun tiang arak kan dirpiak peng mi hi lunglawmh awk tak tak a si ko. Kan Chin mi dih lak zong nih Pathian sinah thlacamnak he hi hnu a tang rih mi zuamnak ah teinak a hmu tthan khawhnak ding caah thlacam bawm zungzal hram ko usih.

Benjamin Sum vote pek duh mi vialte nih 77702 ah sms in vote pek khawh peng a si. Cun, Myanmar Idol sesson 4 offical facebook page zongah vote le a hlasak mi view in thazaang pe peng rih ko hna usih. Tutan a catial mi hi rock week lio ah sawmnak arak ttial cang mi a si ko nain ara lai mi zuamnak ca tiangah repost arak tuah tthan caah mipi sinah kan vun tarpiak tthannak hi a si.

Leave a Reply