Atulio Myanmar Idol Season 4 Top 4 tiang a phan cangmi kan naupa Benjamin Sum cu uar a um chin lengmang i level pakhat hnu pakhat in a thiam chin lengmang. Cun thazaang petu zong a ngei chin lengmang an karh chin lengmang cang. Cun miphun hna a khua le ram hna nih thazaang an pek i biatak tein an dirpi i lung a hmui ngaingai.

Benjamin Sum hi Myanmar Idol a zuam hlan hrimhrim ahhin hla a sa lengmangmi a si. Falam nih an rak tuahmi hlasakthiam zuamnak teinak zong a rak hmu bal cangmi a si. Cun Mizo pawl nih an uar ngaingai. A luancia kum ah an hawipa Sianginn kai liomi “Ma Ma” nih mual a liam taak hna i cu lio ah cun amah philh lonak caah tiah mizo hla an rak i cu ka thawk cun mipi an theih khunnak le an uar khunnak cu a si.

Myanmar Idol Season 4 ah zuam hram a vun i thawk i Top 4 tiang a vun phan kho i amah thazaang petu phu Summer Group timi nih amah caah tiin an si khawh chungin an cawlcang i naite a birthday a chuahni le caan zong sunglawi taktakin an lawmhpi i siizung tiangah rawl le thisen amah thazaang peknak tiin an rak pek hna.

Cun a tu zongah thawngpangttha ngai kan theihmi le amah zong a nuam khun lai a lunghmuih taktak lai kan ruahmi cu Indianapolis, USA ah a ummi thazaang a petu Summer Group pawl nih cun amah thazaang peknak caah ttin tuhla 2019 December 20 cacawn ningani zaan (Friday Night) ah FBCI Hall 37040 S. Dearborn St. Indianapolis, IN 49237 ah sunglawi taktak in Concert an tuah piak lai theih a si. Summer Group zong hi uar an um kho taktak zohchun tlak ngaingai an si.