Benjamin Sum Nih Esther Khamh Hlah Sehlaw A Lu Kuai Dih Lai-Video
Kan hnulei i Phakanh Concert an tuahnak ah thlichia a hrang i Benjamin Sum nih Esther Dawt Chin Sung a khamh timi kongah amah Esther Dawt Chin Sung hrimhrim nih thanglatu sinah a sining a dirhmun le Benjamin Sum nih a khmahnak kong chim fiannak a tuah.
Cu konghe pehtlai in Esther Dawt Chin Sung nih a chimmi cu “Phakanh i concert kan ngeih tan ah Yatamai, Benjamin Sum, Bobby Soxer le Myintkyina le a dang tampi he caan kan hmang hna. Phakanh i Concert kan tuah lioah ruah a sur ngaingai. Midang cu tluang tein hla an sa kho hna. A donghnak bikah keimah ka sa i stage cung ka hung kai cu faak tuk in thlichia a hrang tikah ka ṭih tuk hringhran.
” Cu lio ah cun khua zaza ka ruat i ka khuk ka bil i mitthli he thla ka cam. Bawipa, zeiruang ah dah si, phakanh voihnih ka phan i hibantuk thil hi ka ton? Phakanh kal na ka sianh lo caah maw si? titiang in khuaruahnak ka ngei phah. Thlichia a deih kho ti lo i Benjamin Sum nih ka chanh hlah sehlaw ka lu kuai dih men lai. Donhlei cung i a um caah cun donhhlei ahnih hmanh thei a si lo nain atanglei a mi nih a dinh le dinh lo an theih ko. Keimah zong cu hlasak ngol duh loin ka sak chih i Songbox an tlaihmi vialte zong ahninh khawh dih. Hla cu ka sak ve lengmang ko nain ka hla ah ka thinlung ka pe kho lo. Cu ti ka sak lio ah cun Benjamin cu a nuam ti lo i keimah lei panh in a ra i Mic a lak i hlasak pi a tim ve nain, thli hran a fah chin lengmang caah ka tum lai, ka tum lai, kan tum. Kan tum tlawmpal ah donhhlei zong a cim colh.
” Benjamin nih ka chanh hlah sehlaw zeidah ka tuah lai ti hmanh ka thei lo. Donhhlei tang i ka ttum tiangah ka thaw tiang a ka phih lai bangin ka um. Hihi ka nun lam tluan ah ka voikhat tonnak a si i ahmsabik Phakanh ka kal zongah ruah a sur. Midang an sak lioah zeihmanh a um lo. Asinain keimah ka sak lioah thlichia faak tuk in a hrang. Kha cu ka tih tuk ah hin zaan lei tiangah phone zong ka tlai kho lo, ka kut tha a ther peng. Rawl zong ṭha ṭhi in ka ei kho lo nain zinglei ah a ka bawmtu thlacamnak in a ka bawmtu an um caah ka lawm tuk hringhran. Thazaang a ka petu nan dihlak cungah lunglawmhnak tampi ka ngei. Tuchun ni tiang thazaang a petu nan dilak cungah ka lawm. Cun tukum ah Album chuah ka timi kan buaipi cuahmah lio a si i cu zong cu thazaang nan ka pek cio nak lai kan sawm duh hna” tiah Esther Dawt Chin Sung nih cun a chim.