Myanmar ram pumpi huap hlasakthiam minthang pakhat a simi Benjamin Sum nih hringtu a nu a chuahcamtuak laksawng caah hla thar a chuah lai kong tuni ah mipi sinah a chim. Hringtu anu cu tuhla November 17 ah a chuahcamtuak (Birthday) si lai. Benjamin Sum nih a hla thar ding cu ‘Night Mode’ tiah tlangtaar a pek.

Hi kong he pehtlai in amah Benjamin Sum nih,“November 17 cu hringtu kanu chuahni a si i cu a chuahni ah zei bantuk laksawng dah ka pek lai tiah caan saupi ka ruat. Asinain, a donghnak bikah hla thar laksawng pek dingin lungthlehnak ka tuah i ka hla ding cu ‘Night Mode’ ti a si lai i November 17 ka nu chuahni lawmhpi caah laksawng ka chuah lai.

“Night Mode” timi hla cu Covid-19 zawtnak boruak ruangah leng chuak kho loin kan um i mah lawng i um caan i ngaih tikah a hlabia nih ruahchannak thar mi a pek tuk. Cucaah November 17 kanu chuahni i chuah dingah ka thimnak a si. Nannih zong thazaang nan i lak ve lai ti ruahchannak ka ngei. Ka tuahmi hla hna cu midang caah ṭhathnemnak pakhat khat a um i a chuahpi ding hi ka saduhthah a si. Cucaah nan dihlak in November 17 ah kan ngai dih kho cang lai,”tiah a chim. Chirhchan: Vapualauaw

Admin hmurka: Chinworldnewsvening nih thawngpang kan ṭialmi hi kanmah nih  kan phuah cawpmi kan ṭialmi a si lo. Mipi sinah adikmi thawngpang zamh hi kan  i hmuitinhmi a si. Cun, thawngpang kan ṭialmi hi areltu mipi caah ṭhathnem  santlaih, theihtleih ṭha siseh ti hi kan i hmuitin bikmi a si. Asinain, minung kan ti  cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Na relmi thawngpang hna hi midang nih an rel khawh ve nak hnga atha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin