Benjamin Sum Nih A Fans Hna Sinah A Chim Mi Bia Cu Lung A Hno Bak: Hngakchia he upa he buaipi taktak mi le hi kongah biaalnak tiang a chuahpi tu Myanmar Idol Season 4 zuamnak mipi cu nizan ah tlung ngaiin lim si cang. Result phuan lai theih duh tuk ruangah tthenkhat mitkuk buin hngah cio asi. Cu lak ah kan upa Chit Kaung zong cu a hlasak cu thawtuk kaw ban duh ti hlah kaw cheukhat cu thinhun buin result phuan a zoh mi zong kan um men lai dah. hee

A cunglei kong he pehtlaiin nizan ah Myanmar Idol zuamnak result phuan asi tikah Laimi nih kan zumh taktak mi le winner asi hrim lai tiah ruah bak mi Benjamin Sum cu winner sinak in a sung ruangmang ko. Winner dingah zumh tuk lomi Esther tu nih 2019 Myanmar Idol Season 4 winner pi cu a co ruangmang ve.

Hi kongah Benjamin Sum fans le amah ttenhtu cheukhat zong an zumh tuk mi Benjamin Sum winner asi lo tikah ruahnak a phun phun in a chuak i, Myanmar Idol zuamnak hi thiamnak si loin voting-phaisa zuamnak asi,”tiah a chim mi le a ceih mi an um cio. Minung khuasaknak ahcun hi bantuk cu a phung cu si i, a um phung zong si ve ko.

A fans pawl le amah ttanhtu ruah ning bantukin thil a kal lo tikah a tanglei bantukin Benjamin Sum nih a fans hna le amah dirkamhtu hna sinah a lungnuamh lo nak le ngaihthiam halnak cu hi tin a ttial. Benjamin Sum. Ka tuah awk rian simi tlamtling tein ka tuah khawh lo caah nan ka ngaihthimnak lai zaangfah kan nawl hna, ka ngaithiam u,”tiah a ttial.