Benjamin Sum: Na duhmi na ngeih/hmuh tikah an petu Pathian kha va philh hlah!

Chin Celebrity News

Tuzing i kan naupa Myanmar Idol Season 4 Runner up a simi Benjamin Sum caṭial cu a ṭha kho taktak. Catlang tlangkhatte lawng a si nain, sullam a ngei taktakmi cabia a si. A chimmi hi mi tampi nih kan philh ṭheo tawnmi zong a si fawn. Mi tampi nih nunnak sining a khen lai tian ka ruah.

Benjamin Sum nih a facebook cakuang zeitindah a ṭial ti ah cun, “ Na duhmi na ngeih/hmuh tikah an petu Pathian kha va philh hlah!,”.
“Don’t forget God when you get what you prayed for! ”.
“သင်တောင်းထားတဲ့ဆု ရလာတဲ့အချိန်မှာ ဘုရားကိုမမေ့ပါနဲ့။,” tiah kawlca falam in le mirang ca in a facebook ah a ṭial.

Mi tampi cu Pathian sinah kan duh herhmi kan hal, thla kan cam. Asinain cu kan halmi thil kan hmuh tikah ahodah a kan petu a si timi a kan petu kan philh ṭheo tawn. Cucu kan sining zong a si i ahmaanmi zong a si. A hal lei kan thiam bantukin a sinah lawmh biachim zong hi kan thiam ve awk a si lo maw?

A hal lei vial kan thei ngai nain, a sinah lawmh biachim bel cu kan theih ti lo. Nihin zumtu khrihfa tampi hi zeiruangah dah Pathian thluachuah kan tinco ve lo le kan halmi kan hmu ve lo ti ah cun, a hal lawng kan thiam i a sinah lawmh biachim kan hmang ti lo. Minung le minung hmanh lawmh bia kan i chimh lo cun kan thinhun i kan ngaihchia si. Sertu Pathian zong cu bantuk cu kan umter lengmang tawn caah ka hal tluk in kan hmuh lole kan um hnga tluk in thluachuah kan hmuh lo zong a si.

Leave a Reply