Myanmar Idol Season 4 Zuamnak Cu Chinmi Caah Ruahchannak Um Ti Lo: Tampi chim hau ti lo, tutan Myanmar Idol zuamnak cu kanmah Chinmi chungin Benjamin Sum le Esther Dawt Chin Sung caah cun ruahchannak um bak ti lo. Tuzan zuamnak kan hmuh dih bantukin le a bikin Esther caah cun a dih khi si ko cang. Cun, Benjamin Sum zong a thiamtuk ko nain tuzan a hlasak mi ko ko ahcun Aye Mya Phyu nih a teituk tikah Benjamin Sum le Esther caah cun Myanmar Idol Season 4 zuamnak winner dingah cun chim awk um lo tluk jkhi si ko cang.

A tang hi Mang B Thawng timi nih a chim mi hi a dik ngaingai tiah ka ruah ve. A timi cu. Myanmar idol cu zeitin kan chim len zongah AYE MYA PHYU nih a ngah te ko lai..mah le miphun te tanh lo cutiah Sumsum le Ester cu kan tanh cio hna. tanh hrim2 an hau an thiam bak ve..na’n Aye Mya phyu hi hlasak zong a thiam a aw zong a tha,kawl nih a si fawn, kawl thluak cu kawl thluak a si te ko lai.

Relchih: DUI/DWI ruangah Kawlram ah kuat khawh asi ma? Khua dangin pakhat pa nih phone a rak ka chawnh. DUI ka ngah ii, atulio ahcun Kawlram ah an in kuat khawh ti-ah an ka ti. Mah cu a dik ma, tiah a vun ka hal. Mi fanau pa lungrethei ngai in an rak chiah. DUI voi zeizat dah na ngah, tiah ka hal. Voikhat lawng ka ngah, a ti. Zeihmanh na lungrethei hlah, na thinphang hlah. DUI voikhat/hnih ngahnak ruangah Kawlram ah kuat khawh asi lo, kuat phung zong asi lo.

Cucu kuat tlaak sualnak “deportable crime/offense” asi lo. Amahbelte, phungninglo “illegal” in US ah a rak lutmi le a ummi cu voikhat te DUI ngah zongah kuat khawh colh asi. Hmailei belte cu ngah hrimhrim ti hlah. Zuu-beer-wine na din lio ahcun motor mawngh i timh cu chim lo, na motor kha a zoh hrimhrim hmanh va zoh hlah, tiah ka hei cawnpiak lawlaw beh.

Chim duhmi cu Laimi hi kan theih lomi zong, mah ruahnak in chim kan hmang tuk. Thil sawhsawh te kan timi khi, midang caah lung rawh-ralnak a chuah ter kho. Theih lomi cu ka thei lo ti-ah chim kha a ttha bikmi asi. “If you don’t know, just say I don’t know. Salai Van D Ceu