Myanmar Idol Season 4 Runner Up a simi Benjamin Sum cu mipi nih an uar chin lengmang cang. Idol lio nak hmanhin atu hnu ah hin an uar cang ti u sih law kan palh tuk men theng lai lo. A fans pawl an karh chin lengmang i a fans pawl nih Bejamin Sum caah tiin bawmhnak phaisa an hmuhmi cu a tam taktak.

Benjamin Sum laksawng pek ding caah tiin We Love nih bawmhnak phaisa an halmi cu ting 100 renglo a chuak tiah theih a si. Min cazin an lakmi zoh tikah miphun dang deuh an si hna i Mynmar ramchung le Ramleng mi hna an si. An hmuhmi tam ngaingai.

A tambik cu Mynmar ramchung in an si i US, Singapore, Thailand zongin Benjamin Sum caah phaisa a rak thawhtu an um len ve. Benjamin Sum caah tangka an hmuhmi hi Myanmar in 7,710,700k, Singapore in 1540s$, US in 500$ cun Thailand in 12,000b a si.

Hi lawng si loin Gofundme ah Benjamin Sum caah tiin bawmhnak/laksawng an halpiak tthan i an hmuhmi tangka hi an zah tein $19,119 a tling cang i Myanmar in cun ting 250 renglo a si. We Love nih an hmuhmi cu Benjamin Sum hringtu a nu sinah a lutmi le Admin Zwe Sithu sinah a lutmi zong an telh rih lo. A laksawng ding a tam ngaingai an pek ding caan cu an phuang rih lo. Gofundme in an hmuhmi cu March thlachung ah an pek lai tiah theih a si.