Khah tuzan ah Myanmar Idol Season 4 Top 10 zuamnak an thawk tthan cang lai. Hi kong he pehtlaiin a tanglei bantukin Myanmar Idol winner dingah zumh bikmi Benjamin Sum nih aa timhtuahnak kong cu a tanglei bantukin a rak langhter cang. Mipi nih thazaang pe cio rih hna usih. Falam ca cu kan theih dih ko caah amah ttial ning tein kan rak langhter.

Ka mit ka sing ih ka hni siamsi thei. himi ka lamzin ah keimah te ka si nawn lo ti ka ruat ah ka di a riam. Mi tampiin in bawm, in vote sak. Ka hrang ih can nan liamnak second khat te khal a sunglawing tuk aw. In rinsannak le in dinpinak parah sirawk a um dah lo ding. Tuizan hrang kan timtuah zo ti aw. vote nak le thlacam nakin in bawm leh hram uh aw.. ka lungawi tuk.

I close my eyes and smile. I am so delighted when I think that I am no longer alone on this journey. I have many people who are quietly and obviously supporting me and voting for me. I want to assure you that it is worth spending every second of your time on me. I will never let you down for trusting me and standing up for me. Let’s get ready for tonight. Cheers.. Benjamin Sum. Voting No. 77702. Myanmar Idol 2019 Season 4

Relchih: Tutan Myanmar Idol Season 4 zuamnak ah Grand Final a kai dingmi hna nih Final zuamnak an tuah hlan i an tuah dingmi cheukhat le Winner simi nih hmailei an tuah dingmi cheukhat a tanglei ah kan van langhter chung.

Grand Final aa zuam dingmi hna cu zarhthum chung caan pek an si i, mah chungah Judges nih cun teinak hmu ding cu an theih cia cang nain business ai bantukin caansau an laknak zong asi. Cun, Grand Final an i zuam hlanah anmah le khua ah tlunter an si lai. Nihnih thumchung hi mipi sinah caan hman khawhnak nawl an pek hna lai i, mah chungah mipi thinlung la in mipi an hip kho hna maw? timi hi an zoh bikmi pakhat si te lai. Cun, mah an i dinh chung i an cawlcanghnak hi mipi nih vote pekmi nak hmanh in mark a tam deuh ti si.

Mah hi an khualtlawnnak i an dih mi vialte hi CITY FYM nih an liampiak dih hna lai. Hi kong he pehtlaiin tutan Chinmi chungin minung pali Myanmar Idol i aa zuam mi hna zong teinak an hmuh i, an khua le ram an tlun ve sual ahcun mipi nih thazaang kan pek thiam taktak hna a biapi tuk. Myanmar Idol Winner: Mah zuamnak ah Myanmar Idol winner simi paoh cu CITY FYM he hmunkhat rianttuan tti dingin hnatlaknak contarct an ngei lai i, CITY FYM nih kum nga chung a sponsor hna lai.

Amah belte voidang bantuk in mah duh paoh i an um tawn mi kha si ti loin, zeitik hmanh ah anmah nawl in khual an tlawng kho ti lai lo. Cun hlasak le show ti bantuk zongah anmah nawl in an tuah kho ti lai lo. Tahchunnak ah kanmah Chinmi chungin pakhat khat hi winner si hna sehlaw.

CITY FYM he hnatlaknak an ngaih hnu cun US, Australia, Malaysia le ka dang dang um mi nih an sawm hna zongah CITY FYM nih kalnak nawl an pek hna lo cun an kal kho lai lo. CITY FYM sinah theihternak an tuah lai i, tlawnnak nawl an pek hna hnu lawngah an kal kho lai. Cun, Hlasak le show ti bantuk i, a hmuh mi phaisa zong CITY FYM he an i tthen lai. Mah ti kum nga chung an kal tti hnu ah CITY FYM nih album pakhat an chuahpiak ve hna lai.