Benjamin Sum hi a luan ciami kum 2000 November thla ni 27 ah a chuakmi asi. Benjamin Sum hi Pu Lal Hmuak Lian Pi Lal Din Par hna nih Sagiang ramtthen Kalaymyo khua hmunlai sang ah an rak hrinmi asi. Hringtu a pa nih a ngakchia lio te ah a thihtaak hna i hringtu a nu nih pasal dang ngeih colh loin afapa asi khawh tawk in a rak zohkhenh ve.

Benjamin Sum hringtu a pa Pu Lal Hmuak Lian hi Khrihfabu (Khawhhran ) ah mino hruaitu le Worship Service Leader caan saupi a ttuanmi a rak si. Cun Music huam ngaimi, hlasakthiam le hlaphuah thiam zong asi. Hringtu a nu Pi Lal Din Par zong hi a nungak lio tein halsakthiam a rak si i Lairawn Baptist Association (LBA) civui lioah hlasak a rak i zuam ve i pakhatnak a rak co.

Benjamin Sum nih hin far pakhat 2003 ah a chuakmi a rak ngaih nain vanchiat ah 2004 ah mual a rak liam taak ve. Pi Lal Din Par cu a fanu zuun le a pasal zuun ngaiin le ngaichia ngaiin caan a rak hmang. Asinain afapa Benjamin Sum caah lungdong loin a si khawh chungin kar a hlan ve. Pi Lal Din Par nih afapa caah a si khawh chungin ai zuam lioah cun vanchiatnak cu anmah chungkhar caah hlah maw si ti awk in Cancer zawtnak a rak ngei.

Kamkhat leiin a pasal le a fanute zuun ngai cuai in a um lioah cuti bantuk cun Cancer a rak ngei i, kamkhat leiin afapa Benjamin Sum le zohkhenh aherh fawn. Pi Lal Din Par cu ngaichia lileng le a mitthli dong loin a luang peng. Asinain lungdong loin Pathian aa bochan i, asining a zeizong vialte Pahtian sinah apnak a ngeih tikah Pi Lal Din Par cu Pathian a zumhnak le aa bochannak thawngin Cancer zawtnak in a rak dam i, atu cu damnak tlamtling a hmuh cang.

Benjamin Sum zong a hngakchiat lio tein Sunday School a kai lioah Pathian thangtthatnak hla a sa peng i a Saya Khaw Din Siam nih ttha tein a rak tthihruai. A ngakchia lio tein hlasak ahuammi asi. Tutan i Idol a zuam zongah hin cawnnak leiah hin na lungpe hmasa deuh law hlasak lei c a hnuah ka ti nain amah hi a lungtho tuk tikah Idol zong a zuamnak hi a si tiah hringtu a nu nih achim.