Benjamin Sum cung an thil tuah ding cu uar um kho tuk: Atu lio Myanmar Idol Season 4 zuamnak ah Benjamin Sum cu kan theih cio bantukin atu dirhmun ahcun mipi thinlung hip kho tu bik le mipi nih uar bik mi pakhat a hung si. Myanmar Idol Season 4 zuamnak a luh ka in nihin ni tiangin zuamnak chung a luh ah a cawlcangh aa ttha i, nikhat hnu nikhat in mipi nih an uar chin lengmang.

A bik in Banjamin Sum hi Myanmar Idol Season 4 hlasak a zuamnak i hla a sakmi ah mipi lawng hmanh nih si loin Myanmar ramchung minthang tiang nih an uar khunnak cu, (Nunu Na Dam Maw?) timi hla a sak mi ruangah mipi le minthang pawl nih an uar chin chin.

A cunglei kan rak langhter mi kong he pehtlaiin mipi lawng hmanh si loin Myanmar ramchung minthang tampi nih Benjamin Sum an uarnak le thazaang an peknak kong an chimnak video zong a tanglei ah kan rak taar chih. Kan chim voihra uar lo awk hrim a rak ttha lo, Amah hrim a thiamtuk ve hme cu.

Cu lawng si loin video chung kan hmuh bantukin teinak a hmuh khawhnak dingah tiin amah dawtu hna nih a caah thlacamnak an ngaih mi zong hmuh khawh asi. An caan tangmi zuamnak ah Benjamin Sum si ah, Esther Dawt Chin Sung si ah, cun, Yaw Kee zong si ah teinak an hmuh khawhnak hnga mipi nih thazaang pe cio hna usih. Mipi zong nih an mah pathum karlak ah miphun thleidennak langhter loin thazaang pek zia thiam hna usih. Video

https://youtu.be/4gW-a1oLc0g

Video- Credit: Chin Net