Benjamin Sum hi silent killer dai tein mi a that kho mi minung bak a si:

Music and Videos

Benjamin Sum hi silent killer dai tein mi a that kho mi minung bak a si: Tuzan Myanmar Idol hlasak an i zuam cu zoh an nuam kho tuk hna. Kawlram zong zei tluk in dah an rum le an thancho cang timi pawl vialte tiang thei kho dih an si cang. Tutan Myanmar Idol cu kan pupa holh in kan chim ahcun an ropui kho tak tak. An mak lawlaw khi an si cio. International level bak an si dih ko. Hi tluk in kawlram hlasak an rak tam le thiam hi an rak mak kho tuk ko hi teh.

Image result for benjamin sum"

Tutan kan Kawlram level in Myanmar Idol Season 4 ah kan Chin miphun hawi pathum hna hrimhrim hi cu hawi hlei in an aw le zai an tha i, cawlcangh dan zong an thiam taktak khi an si ko. Hmailei ah kan Chin miphun chungin mino tampi zong nih hi bantuk zuamnak ahhin i tel duhnak lungthin hrimhrim kan ngeih cio ah a thatuk.

Tutan kan Chin miphun Myanmar Idol hlasak zuamnak ah a bik in salai Benjamin Sum hrimrhim hi cu silent killer dai tein mi a that kho mi tiah a min kan pek. A ruang cu a nunzia aa dawh, mi hmai ah thutdir umtu zia a thiam tuk. Midang zong nih an aur tuk fawn. Amah zong dai tein a um mi minung bak a si. Nain, Hla a vun sak ahhin cun mipi bak thih an ngamh dih ko. Hi tluk in lai pa nih minung lungthin a lak khawh hi cu uar um bak ko. Video van zoh tthan ta hmanh. Credit: Salai Bawi

Zeiruangah Dah Jesuh Khrih Hi Siangpahrang Inn Ah A Chuah Lo? Billy Graham Bialehnak: Biahaltu: Jesuh Khrih hi Pathian Fapa a si ko ahcun zeiruangah dah a that deuhnak hmun siangpahrang inn ti bantuk ah chuah loin caw inn hna a chuah? Siangpahrang inn ti bantuk ah rak chuak seh law a rak tha deuh tuk lai lo maw?

Image result for billy graham"

Rev. Billy Graham: A si hrim ko, Jesuh Khrih cu siangpahrang a si taktak ko. Hmun tha deuh hna ah rak chuak seh law siangpahrang a si bantukin aa tlak tuk ko hnga. A ngaingai ti ahcun Bible nih ‘Jesuh Khrih cu vawlei siangpahrang hna naak hmanh in a lianngan deuh tiah a kan chimh, zeicatiah Pathian Fapa, van le vawlei le a chungum vialte uktu a si.

Khuaruahhar awk um loin, a voikhatnak Christmas ah khan vancung mi hna kha tukhaal hna sinah an rak tum i, ‘nan caah Khamhtu a chuah cang; Amah cu Messiah, Bawipa a si’ tiah thawng an rak thanh hna (Luke 2:11). Asinain minung nih kan ruah khawh lo leng tiang in toi aa dor biknak hmun caw inn ah a chuak.

A chuah ah khan a nu Mary nih caw rawl einak kuang chungah a thlim. Pathian Fapa chuahnak ding ah hi naak in a niam deuhmi hmun dang na ruat kho ti lai maw? Zeiruangah dah Pathian nih a Fapa hi siangpahrang inn ah chuahter loin caw inn hna ah a chuahter? A ruang pahnih lakah pakhat cu miphun vialte khamh awk ah Pathian nih a rak thlah caah a si.

Aho kan si zong ah Jesuh Khrih nih a kan dawt dih. Sifak zong, mirum zong, minak zong, mirang zong, a der zong, a thawng zong etc, aa tluk tein Pathian nih a kan dawt caah a niam bikmi hmun ah a Fapa a run thlahnak a si. A vancung sunparnak vialte kal tak in vawlei mi hna sinah nautatnak lak in khua a sa ve. Citicun a dawtnak a kan hmuhsak.

Jesuh nih sifah hi zeidah a si timi a theih zeicatiah vawlei a um lioah a sifak tuk. Zei bantuk tukforhnak le harsatnak kan ton hmanh ah Jesuh nih a kan theih pi dih zeicatiah a ton dihmi lawng te an si. Cun a si fak tuk nain a chambau bal fawn lo. A zultu an rawltam tikah khim tein rawl a pek khawh hna i, ngunkhuai an rak kholh tikah Peter kha nga a tlaihter i, a kaa chung thil mansung kha a pekter hna Matt 17:27.

Cucaah siangpahrang inn ah chuah loin nauta bik caw inn ah a chuahnak ruang pahnihnak cu toidornak hmuhsak a kan duh caah a si (Filipi 2:111). Na nunnak ah zeibantuk hmun dah Jesuh caah na chiahpiak ve? ‘A rum tuk i, a caah chambaunak le harsatnak a um bal lomi cu a kal tak dih hna i, nangmah le keimah caah a sifak i, a chambau. A ruang cu nangmah le keimah rumter le duhdim nun pek a kan duh caah a si ‘2 Korin 8:9. Ref: Billy Graham.

Benjamin SumMyanmar Idol Season (4)Top 11 performance Show.. vote 77702

Posted by Chin Cable Network Channel on Thursday, 31 October 2019

Video- Credit: CCN

Leave a Reply