Benjamin Sum Hi Khuaruahhar Taktak A Rak Si Ko Myanmar Idol A Si Ahcun A Tuah Dingm A Chim Cun A Nu Caah Hlasak A Duh I A Sakding Mi Hla Cu

Atulio ah alar ngaimi cu zeidah a si ti ah cun Myanmar Idol Season 4 zuamnak hi a si. Cu Myanmar Idol Season 4 zuamnak ah Chin miphun chungin minung 3 nih an kan tel piak kho i lawmh a um taktak. Friday zaan ah Top 11 zuamnak an tuah i cu zuamnak ah atutiang teinak a hmuh rihmi Benjamin Sum cu Kawlram thawnglatu phunphun nih biahal an tuah len i cu i a chimmi kan rak langhter lai.

Thawnglatu nih bia an halmi pehtlaiin Benjamin Sum nih a chimmi cu Ahramthawk tein dirhmun sangah ka phak khawhmi hi Pathian zaangfahnak thawngin a si. Cun Solo Round cu a hlan i zuamnak pawl nakin a har deuh i teinak caan ttha a ka petu Pathian sinah lunglawmhnak bia ka chim” tiah Benjamin Sum nih cun a chim.

Atu Live Show ah a zuamn tthan ding kan si caah teinak ka hmu lai maw? ka kai tthan lai maw ti cu chim khawh a si lo. Cu ruangah caanttha ka ngeih lioah kan nu caah hlasak piak ka duh. Thazaang a ka petu nan zate cungah ka lawm tuk hringhran pathian nih thluachuahnak in pe cio hna seh! Ka sak duhmi cu” Ka nu caah” timi hla ka sak lai. Cawn dingmi tampi ka ngei rih i, miphun dang kan si tikah ka aw chuah-sakning zong ahman khawhnak dingah ka zuam ve. Kum 4 mi ka si in ka pa nih a ka thihtak tikah teinak ka hmuh ahcun nulepa ngei lomi hna ka si khawh tawkin bawm ka duh hna” tiah a chim chap.