Myanmar Idol Season 4 zuamnak ah Top 5 tiang a phan khomi chinpa Benjamin Sum cu chinmi le kawl pawl lawng hlah nih an uar ti lioah miphun dang mirang pawl zong nih an uar kho taktak ti a fiang hih. An uar le thazaang an pek lawng si loin vote tiang a pek ve. Kan hnu leiah Singapore dollar hmangin Benjamin Sum vote petu an vun phuan i Sweden mi pasal ngeimi a rak si.

Benjamin aw a theih cang ka in a duh tuk ruangah tthu sawhsawh loin Vote tiang a pek. Kan hnulei Top 6 an i zuam lioah khan Vote 2000 bak amah pumpak in a rak vote. Vote 1000 a pek hnuah a diriam rih lo i vote 500 a pek tthan tiah theih a si.

Ohnmar Chovanec nih cun Midang zum tuk hna hlah uh. Top 5 ah mipi zong buai hlah uh. Ahodah na ttanh le a hodah na duh timi i fiang law vote pe ko. Benjamin Sum na aw ka ngaih i ka vote na phutuk hringhran. Ben, na saduhthah, na timhmi kha i tlaih peng law ni nikhat ahcun na hlawhtling ko lai tiah a chim. Ohnmar Chovanec nih Ben Ben a duh tuk ah a cover photo tiangah We Love Benjamin timi a tial in aa tar. Hi lawng si loin Ben Ben 2010 kum i Swedish Idol pakhat a laksawng a ngah lio i a hla cu a tarlangh.