Benjamin Sum Cu An Rak Uar Hrim Ko, Grace He An Sakmi Cu You Tube Ah An Chiah Hnu Ni Tlawmpal Ah Zohtu A Ting Leng Bak An Phan Manh: Atu lio Laichim/Chinmi thinlung lawng hmanh si loin Myanmar mipi thin lung le Judge thinlung tiang a hip kho tu Banjamin Sum cu mipi nih Myanmar Idol Season 4 aa zuam hnu in an uar chin lengmang. Nikhat hnu nikhat bakin a dirhmun le sining nih mipi thinlung a lak chin lengmang cang.

Kan theih bantukin Myanmar Idol Season 4 top 10 an i zuam cuahmah lio a si i, hi chungah winner dingah zumh bikmi zong amah Benjamin Sum hi si. Mah ti pimi thinlung a van lak ngai tikah tuan a rak sakmi pawl le miraang a hawi nu Grace he live thlah in an sakmi zong you tube ah chiah asi i, thlakhat hmanh tlin hlan ah zoh tu tingkhat leng a ngei manh cang. A tangbik ah video um lai.

Esther Dawt Chin Sung lungput le cawlcangh ning hi van rel tthan hmanh, uar um ko: Pathian hi Pathian rian tuantu le gospel hla sa mi long cawisangtu sisehlaw a lo hma hi a pi tuk hnga. Minung nih kan ruah khawh lo lengin a dawtnak le a vel hi a kau i a ngan mi kan Pathian a si. Pathian nih a zuar cang mi hna cu zei pipa an chim an tial lo zongah mipi nih a but in an but ko hna.

Quality a ngei mi cu dirhmun tihnung le sang deuh an phanh ah an quality a lang deuh deuh. Hi ka far nu te Esther Dawt Chin Sung hi cu US a phak lio i stage-show a kai ning ka zoh ah a aw zai in ka ti lo, a cawlcangh ning le a biachim in ka zoh ah thil pipa deuh mi cung zongah performance tuah sehlaw a qualify bak lai tiin ka ruah cia mi te asi.

Winner a si hrim lai ti cu kan chim kho lo, nain a si kho mi zong cu asi ko. Nihinni a dirhmun ah mipi thinlung a lak ning le kan miphun hmai a langhter ning vun ruah ah ka lungtling tuk cang. Stageshow kai ti lam tu ahcun kan hlasak thiam ti mi vialte hna nih an tluk ti lai lo.A let tamtuk in a lonh cang hna. A performance ka lungtling ngamsam. Hlasak le thiam, aw le that, mui le dawh, biachim le thiam, fim le fim, a tlinh khetkhet, Pakhatnak co lo hmanh ah mipi thinlung a co cang. Pakhatnak laksawng laak lawng a taang cang. Ttah bek an ti nain a mak chin lenmang ko. Chin Idol lawng si loin Myanmar Idol zong a si te ko lai. By: Al Bik Lian

https://youtu.be/JSQPBBUok9c