Benjamin Sum: Bawipa Min Ka Thangtthat, Mittha Lo Nih Keimah Hrawhnak Ding An Timhnak Bawipa Nih A Ttha Leiin Khua Khan. Atu lio Myanmar Idol Season 4 zuamnak ah mipi nih uar bik mi le tha pek mi pakhat simi Benjamin Sum ruahnak le lungthin put cu uar a rak um kho tuk.

Cu lawng si loin sertu Pathian aa bochan ning le a tlaihmi hmuh hrim ah lunghmui kho tuk. Cheukhat cu Pathian nih dirhmun sang a kan cawi tikah a kan cawisangtu Pathian kha kan philh tawn. Sinain Benjamin Sum lungput cu a rak si ve lo. Zeibantuk a tonmi le a tuahnak paoh ah amah bawmchantu Bawipa sinah lawmhnak tu a chim peng.

A cunglei kong he pehtlaiin hlan a sining le atu lio harsatnak a tonmi ah siseh, a page an hackpiak mi kongah a tanglei bantukin a rak chimmi hmuh hrim ah zeitluk in dah Bawipa aa bochan timi hmuh khawh a si. Amah nih Falam ca in a ttialmi ning tein kan rak langhter. Thazaang pe cio hna usih.

Benjamin Sum: Kan Bawipa kan Pathian a hmin thangthat in um ko seh. Misual pawlin in siatsuah tumnak cu Pathian in a tha lamah a hmang sawn ding. Ka fb group cu in hack sak. Ka tih dingin in hro rero na’n hna ngamnak thawn ka khat ih, hivekin ka thinlung an ti buai thei lo timi ka lo theih tir duh a si.

Ka nun ah hi ai ih harsatnak tampi ka tawng zo si si. Ka pa ih mual in liamsan hnu, ka nu a dam lo laiah Pathian hnen lawngah beu nak ka rak hmu. Tu ah cun rampi huapin in bawm, in duhdawt, in humhim. Ka tuah ding ka hlasak hna ngam ten ka tuah thei. Hmai zarh ah a tha bik dingin ka zuam rero. Nan thlacamnak le nan thinlung ah in ret hram uh tin ka lo ngen. (Benjamin Sum.Voting No. 77702 Myanmar Idol 2019 Season 4)