Benjamin Sum An Tlunter Mi Nih A Fianter Cang Mi Thil Pakhat: Myanmar Idol Season 4 zuamnak ah mipi thinlung a hip kho tu le winner ding tiangin mipi nih zumh bik mi Benjamin Sum cu Top 3 ah i tel in Grand Final tluang tein a phan cang. Nihin December 22, 2019 ah hringtu a nu le Media lei ttuanvo ngeitu cheukhat he a chuahsemnak Kalaymyo ah a tlung ding an si.

Kalay Airport ah hlunghlai taktak in an don lai tiah theih si fawn. Cu pinah a hngakchiat tein sianginn a rak ngainak simi GCEC sianginn ngeitu Sayagyi Mang Lian Tlung le a tang 9-10 a rak kainak YCW sianginn Sayagyi James Dar Ro Thang le Kalay Chinmi pawl nih a herh ning in tawlrel in Vengpi Baptist Church ah Benjamin Sum donnak le caan hmannak ngeih si fawn lai. A cunglei kong he pehtlaiin zeitluk in dah tutan Benjamin Sum a chuahsemnak khua a tlun mi le mipi nih an sunhlawih, thangtthat, an dirkamh le thazaang an pek timi nih a tangmi Grand Final aa zuamnak ah mah nih tampi a bawmh te lai. Judge pawl zong nih tutan a tlunmi a cawlcangh hi marks peknak ah tampi an zoh chih te lai.

Tampi chungin Judge pawl nih an zoh dingmi cu, a chuahsemnak khua a va phak ah mipi nih zeitluk tiangin dah an don i, an sunhsak. Cun, amah Benjamin Sum nih mipi thinlung a hip kho maw? asi lo ah mipi thinlung zeitluk in dah a lak khawh timi tiang an zoh dih te lai. Kan chim cang bantukin tutan Benjamin Sum a tlun mi nih Final aa zuamnak ah tampi a bawmh khawh i, tampi a sunghter khawh fawn. Mipi cungah aa hngat ngaimi pakhat si ve. A tangah fiang deuh in rel.

THIMH NINGCANG ADOTDOT: Top 11 tiang kha cu Mark in an thim hna. Laireltu he apeh tlaih tuk. Top 11 hnu cun 1 duamah in an tla te lai. Acan ah 2 zong asi tawn. Abikin 1 duah mah in an ngol terhna atam deuh. Cuticun,Thlapa thla 1 le cheu ah mi 2 lawng an tang te lai. Minung 2 an tan ah hin winner timi athiam bik mi thimh ding ah zarh 3 arau tawn.

Biaceihtu nihhin hi lio can ah hin teitu cu an theih cang ko nain minung pakhat kha kan kham an ti i acaan an sau ter. Nikum kha Phyo Myat Aung nih angah cang ko nain Chian Mya Mg Cho kha kan khamh an ti I a caan an sauter. Ngunsawm tamdeuh lut seh tinak kha asi.

MARKS PEKDAN: Top 11 tiang cu Biaceihtu hna nawl ngei nak in thim ansi hna. Top 10 thim caan lawng ah SMS in an thimh cang hna. Nikum tiang cu vote pe tu 1 nih SMS 30- 50 tiang lawng pe khawh asi. Package an lehkhan lo. Message na kuat in arau mi caan ning in phaisa an phiat ve. 1minute-15 kyat hrawng asi rua ka ti. Tukum cu Ri khiah aum ti lo. Duhzat in kuat khawh asi. Phaisa na hman deuh lai, Vote tam deuh ve lai. Rakhine pa lio kha cu Ramdang hrim phaisa an cah I an pek ti asi.

ABIAPI BIKCAAN: Minung lawng an tang hnu ah an um nak khuaram or Myo ah an tlung ter hna lai. Ni 2-3 caan an pek hna lai. Mipi nih zeitluk in dah an duh I an tlaichan, thazang anpek. Mipi zeitluk indah an hip khawh timi theih nak caah asi. Hihi marks aum mi asi. Nikum thil sining nih ankan cawn piak mi: Phyo Myat Aung kha Irrawaddy a tlung ah khua kip nih an donh.

Cun hlasak nak tlawm tete in a tuah piak hna. Hintada myo aphan in Show an tuahpiak. Khua minih mu. Minung 5000 leng an kai. Bo Myat Ṭun hlei zong a kiak pah kha. Tlunkal nak caah CITY FYM nih an rinh dih lai. Ahlat deuh ahcun vanlawng in an tlungter hna lai. Hihi Boting nakin marks tam deuh ngah khawh asi. Cucaah Benjamin Sum hi tukum Winner dingah thim mi si cang ko lo maw timi ruah lo awk ttha lo.