Benjamin fans pawl caah Good News. Benjamin Sum hi zei ruang ah dah an dan deuh hnga? An chawnh khenh ning ai dang tuk. Judge pawl nih pakhat nak caah an duh mi asi hnga maw? Ruah lo awk attha lo mi a si,

An chawnh biak ning hrimhrim ai dang peng, midang cu an thiam ah thiam ning, thiam lo ah thiam lo ning in an chawnh hna. Sianin Benjamin Sum an chawnh ning hi cu ai dang tuk. A cawn in an cawnpiak peng. Mah caah chim khawh cu asi lo nain judge pawl nih an cawnpiak peng tikah pakhatnak la seh ti an duh mi asi lai!! An i chiah mi a si ko lo maw?? Saisih Tlangau

Relchih. A Hlasak Mi Kongah Mipi Nih Benjamin Sum Ca An Kuat: Myanmar Idol Season 4 top 10 zuamnak cu nizan November 14/2019 zan ah tuah si i, mipi nih an uar bik mi Benjamin Sum cu amah dirpi tu hna nih ca an kuat”tiah theih asi. Kan theih cio bantukin nizan zuamnak i, Benjamin Sum hlasak ning cu voidang he aa lo hrim lo. A hlasak mi zong mipi thinlung a lak lo pinah amah hrim zoh ah lung nuamh lonak hna khi ngei sehlaw a lo. Hi bantuk a cawlcanghnak le a mit hmai um tu ning cu amah dirpi tu mipi hna nih um ti lo dingin an chimh colh.

Nizan a hlasak mi kongah mipi lei nih a sakmi hi a thiam deuh lo caah maw asi hnga? voidang a sakmi he a lo hrim lo, Hi kongah amah dirpi tu nih Benjamin Sum sinah ca an kuat i, amah he a theihngal deuh mi le hawikom deuh nih rak kan chimhpiak u,”tiah an ti. Zuam dingmi hla an cawn lio zongah hla chimtu Okkar Oo Thar zong nih a chim mi cu, Benjamin Sum hi hla a cawn fate buainak te te a ngei peng i, kan karlak ah biahalnak pakhat a um. Benjamin zeidah na duh mi si? zeidah kan in tuahpiak lai timi si i, tutan zongah mah bia hi hal tthan ka duh.”tiah a chim.

Mipi nih ca an kuat mi: Benjamin na mithmai ah ttihphannak a um mi hi hlo dih law kan duh mi asi, Midang hla an sak lio zongah dai tein na tthut tikah nangmah ah tthihphannak a um bantukin a lang. Na hawi le midang nih tthatuk in an sak lio ah nangmah tu cu tthihphannak le phurrit he a um mi na lo. Na cungah thinphannak le phurrit vialte hi hlo dih dingin kan duh, Na aw ttha i, top 10 a zuam mi hna lak zongah nangmah aw bantukin a ngeimi hohmanh an um lo. Zeibantuk ttih mi ngei le thinphang-thlalau in na um peng? zeihmanh ttih ding le phan ding a um lo, a cungbik ah a um mi na si tikah naxt zuamnak ahcun hlan na sining bantukin um tthan cang.

Soiselnak le thangchiatnak cu na ton ding si ko, cu bantuk bia men ruangah na thinphang hlah seh, nangmah bantuk aw ngei an um lo i, naxt na zuam tikah cun mipi mipi duh ning le a nuam bik si dingin um cang mu. Pakhatnak hmu dingah zumh bikmi na si bantukin na hlasak mi ah ralring tein um law mipi nih na hnu leiin kan in dirpi ko,”tiah an cah.