Benjamin Caah Lung Nuam Lo Ngai Si Ko: Tuzan Banjamin hlasak ning cu lung hmui deuh hrim lo, Voidang a sak ning he aa lo deuh hrim lo. Kan theih cio bantukin atu tan Myanmar Idol Season 4 hlasak zuamnak ahcun atu tiangah mipi thinlung a la kho tu le Judge pawl lungthin a hip kho tu cu Benjamin Sum amah pakhat lawng si ti usih law kan palhtuk lem lai lo.

Asinain tuzan a hlasak ning belte ruah ning tluk in le zumh ning tlukin hla a sa kho deuh loin a lang. Kan hmuh bantukin tuzan a sak zong a ttha ngai ko, sinain voidang he aa lo hrim lo. Cu lawng si loin Judge leiin Tin Zar Maw zong nih comment a pek mi cu tuzan na hlak sakmi cu a ttha tuk ko, sinain verse na sakmi belte kha a dik deuh lo”tiah a lungtlin deuh lonak zong a chim.

Hi kong he pehtlaiin zuamnak asi caah kha nih khan mark tampi a sunghter khawhmi zong asi. Asinain hnangam asi mi cu tuzan zuamnak dah ti lo ahcun Benjamin Sum hi mipi nih uarbik mi le thaazang pek bik mi asi caah thinphan ding cu um tuk lo. Vote in thaazang tu pe cio rih hna usih. Zei si paoh ah kanmah Chinmi chungin ahohmanh atu tiangah thawngchia ngai an um rih hna lo.

Cucaah an dihlak in pakhatnak cu an si khawh lai lo caah anmah chungin winner an um khawhnak hnga thazaang chuah in vote cio rih hna usih. Mi zei nih an lak zongah kanmah Chinmi an si ko ahcun kan i lawmhtuk ding si ko. Credit: Sang Thawng