Bawmh Halnak: Malaysia Ah Laipa Van Ceu Awi Bawmtu Ngei Loin Sizung Ah A Um Lio A Si Lungrethei Vansang In A Um

Chin News

Bawmh Halnak! A tanglei kan rak langhtermi hmanthlak a min Van Ceu Awi (UNHCR reg: 791-05C80658) hi a dam lo ii atu hi siizung ah a um. Aho hmanh pehtlaih awk/ bawmtu a ngei lo tiin UNHCR nih thawng an kan thanh. Cu caah, a chungkhat maw, a khuami, amah a theimi nan um sual ahcun CRC zungah rak kan pehtlai hram uh tiah zaangfah kan in nawl hna.

Image may contain: 1 person, close-upImage may contain: 1 person, close-up

Pehtlaihnak: Facebook Messenger
CRC hotline: 016-697 8568
CRC Office: 03-21100876

Dawtnak he,

CRC

15/06/2020

June 10, 2020 zaan ah inn man pek khawh lo ruang ah inn ngeitu nih an velh mi hna, Chin ralzam chungkhar pahnih caah dawtnak le zawnruah nak nganpi he bomhnak a rak petu Pu Kap Cung le Pu Kan Thun (Hniang Doi Sung) chungkhar nan cung ah lawmhnak nganpi ka ngei. Bomhnak nan rak pek mi zong tuzaan lei ah harsatnak a tong mi chungkhar sin ah kan va pek cang.

Thla(3) chung inn man pek khawh lo ruang ah inn ngeitu nih dawi le velh a tong mi Pi Mang Lek le Pi Cing Nu chungkhar pahnih hna caah USA a um mi Pu Kap Cung nih Rs. 22,311 le Pu Kan Thun (Hniang Doi Sung) chungkhar nih Rs. 23,924 bomhnak an rak pek hna.

Bomhnak an pek mi hna cu tuzaan lei ah khan Hakha Community Secretary a ttuan lio mi Cung Nung Bik, Matu Community Vice President Zung Tang le keimah ti in an chungkhar kut ah kan va pek hna.

“Inn ngeitu nih an kan rat hnawh tthan lai i an kan velh tthan sual lai ti lawng kan phang. Cu lio ah kan chungmang hmanh in kan manh ngam lomi bomhnak an kan pek cu kan i lawm tuk, harnak in an kan luat ter cang, kan inn man le leiba zong kan cham khawh dih cang lai, kan hna a ngam tuk cang” tiah mithli he an i lawmhnak an langhter. Bomhnak a petu chungkhar pahnih le an kut cung ah bomhnak a va hlantu kan mah caah mithli he thlacamnak caan zong an kan hman piak. Kan hnu ah ka langhter cang bantuk in Mang Lek le Cing Nu chungkhar pahnih hna hi inn ngeitu nih inn man pek khawh lo ruang ah an velh hna caah Cing Nu zong Sizung ah zaankhat a riak mi asi. Pathian nih bawmchan tu thluachuah pe hram ko hna seh.

Tutan kan harnak kong ka tial tlawmpal ah mi tampi nih bomh duhnak he nan rak ka chonh cio i zawnruah nak taktak he phaisa thazaang chuah a timtu nan dihlak cung ah kaalawm tuk. A si nain tutan an harsatnak le an inn man zohchih i a dang pawl cu kan kua rih duh hlah uh, hmai lei kan harsatnak um aikun nan mah pei bochan nan si lai cu tiah kan leh mi hna lungthiang tein nan ka cohlan caah kaalawm tuk, a ruah zia zong ka thiam hram uh tiah zaangfah kan nawlchap hna.

Bomhnak a rak petu Pu Kap Cung le Pu Kan Thun chungkhar nan pahnih cung ah lawmhnak ka rak langhter i upatnak kan pek hna. Pathian nih thluachuah za in hrawm chin hram hna seh.

Caṭialtu: Salai Cung Dawt

Leave a Reply