Bawli He Zan Ih Hi Zeitluk In Dah Ttih A Rak Nun?

Theihtlei

Bawli He Zan Ih Hi Zeitluk In Dah Ttih A Rak Nun?

Nu cheukhat cu an ih tikah bawli an i hruk peng. Bawli hruk lo cun hnuk aa thlai i, a hnu deuh hna ahcun hnuk muisam aa dawh lo an ti i, bawli thlah an siang lo, asinain doctor nih ihnak ah bawli hruk a tihnunnak an phuan.

Dr Seth Rankin nih a chimmi cu ‘bawli nan i hruk thawngin nan hnuk a tha deuh hlei lai lo. Aa thlai thiamthiam ko lai. Nan kum khua a upat tikah cun kan taksa aa zam khomi thihri a dor chin lengmang i, kan duh zong duh lo zong ah aa thlai thiamthiam ding a si ko a ti.

Asinain bawli hruknak nih tlawmpal te cu a bawmh zong a bawmh men ko lai a ti. London’s Doctor’s Clinic i Dr. Rankin nih a chim thanmi cu ‘bawli hruk hi a thihnung deuh khomi a si zeicatiah bawli nih hin hnuk thilri le pum chung lei pehtlaihnak tampi a kham khawhmi a si a ti.

Bawli aa rekmi hrimhrim cu a tihnung chinchin. Hnuk in taksa leiah a kal dingmi thi rang tbk le a dangdang nu thilri he aa pehtlaimi pawl tluang tein rian a tuanter kho lo. A hleiin hnuk le zaktang karlak thilri riantuan a hmaanter kho lo a ti.

Professor Mokbel zong nih a chimmi cu ihnak ah bawli hruk cu hnuk caah a tha lo. Hnuk chung i thilri (physiology of the breast) riantuannak a thatter lo a ti. Aa rek tukmi bawli hrimhrim cu hruk lo ding a si tiah ralrinnak a pek hna.

Ref: The Express.

Leave a Reply