Barcelona Lehthal In UCL Final Kan Lut Hrim Lai-James Milner

Sport

Barcelona Lehthal In UCL Final Kan Lut Hrim Lai-James Milner

Liveerpool kan tho tthan lai: Kan theih bantukin Champions League semi-final first-leh puai ah Liverpool cu Barcelona lakah 3-0 in an sungh tikah an caah ruahchannak a tlawm ngaingai cang, Sinain Liverpool nih an i bochan ngaimi James Milner nih cun kanmah home ah Barcelona cu lehthal in final kan phan lai,”tiah a chim.

First-leg ah kawlkhat hmanh an ngaih lo tikah Barcelona van lehthal ding cu a har ngai ko. Liverpool nih final an kai khawhnak dingah cun a tlawmbik kawl 4-5 tel cu an khumh a hau.

Image result for james milner

Liverpool hi final an kai khawhnak dingah chance an ngaihmi zong a tlawm, sinain zeihmanh chim khawh chung a si ve lo. Milner nih cun pehtlaiin game tampi kan chuih cang i, hi bantuk dirhmun ah voitam pi kan chuih peng caah thinphannak kan ngei lo.

Cucaah Barcelona hi kan lehthal hrim hna lai, mah tu cu kan team huap in kan ttan rual a hau i, teinak kan hmuh lai timi kan zumh ko, tiah a chim fawn.

Image result for james milner

A chim rihmi cu Bracelona tei in Champions League final an kai khawhnak ding kong chim in, Barcelona tei in final luh hi a harmi a si lo caah a tak in a can khawhnak dingah kan Anfield hi a si. Kan home-ah hin European game pical taktak kan hmuh tawn i, lehthalnak zong a chuak peng.

Barcelona lehthal hi a fawimi thil si lo ti cu kan theih, sinain mah hi kan tlunter hrim lai. zerhdongh ah Premeir League puai biapi taktak mi kan ngei fawn i, mah puai zongah result ttha kan hmuh lai timi zumhnak kan ngei. Mah nih hin Barcelona he game ahhin thazaang petu si lai timi ka zumh,”tiah a chim.

Leave a Reply