Baba Vanga Nih Kum 2020 Chungah A Tlung Ding Mi Tihnung Tuksum Taktak Si: Vawlei cungah a tlung ding mi a phuangtu zawlnei Baba Vanga sining le konglam hi tampi chim rel a si tik ah a thei lo hi kan um tuk lai lo. A tlung ding mi kong a chimphuan mi hi 85% cu a dik dih. A chim mi cheukhat kan rak langhter. ISIS nih vawlei pi an buaiter lai. Cun, US inn sangpi “World trade center” an hrawh lai. 2004 ah Japan ram cu Tsunami-thlichia nih a hrawh dih lai tiah a rak chim i, a dik dih fawn.

Kum 2020 ah Europe ramchung ah fak piin sungh zatlaknak an tong lai i, Muslim ramah a cang lai. Muslim pawl cu an tthawng chinchin lai i, vawlei pi tiang an uk dih lai. Cu tik ah European ram pawl cu zeihmanh an cawlcang kho ti lai lo. Europe ramchung “Ramthum” ah buainak fak piin a chuak lai. Cun, Russian President Vladimir Putin cu ralhrang nih an thah lai i, US President Donald Trump zong taksa dam lo nak nih a tlunh lai i, a hna a chet lai i, a thluak vialte a rawk dih lai.

Vawlei cungah ttihnung tukmi zawtnak a chuak lai i, minung ruahnak tiangin aa thleng dih lai. Biaknak kongah fak piin buainak a chuak fawn lai. Cun, Ni tha hmangin zeipaoh hman asi cang lai caah mipi nih petrol hman um ti lai lo, Solar ni tha hmang lawng tein si cang lai. Cu lawng si loin Asian ramchung in Dragon a chuak lai i, vawlei pi a uk cang lai. Thiamsang hna nih an tuak tik ah Dragon hi China ram si lai tiah an chim.

Cu pinah Ramthum an i kawp lai i, phaisa thazaang hmangin vawlei pi an uk dih cang lai. Ramthum timi cu Russia, India le China an si lai tiin zumh si fawn. Kum 5079 ah vawlei pi a rawk dih lai, tiin a chim chih. Zawlnei Baba Vanga nih a chim mi hi a dikmi tampi a um caah vawlei cung mipi cheukhat le thiamsaang tampi lung rethei aw lawkchong in an um hna.