Awṭha Pu Bawi Thiang Bik Le Pi Naomi Par Tha Sung Nih An Hlathar A Chuak An Thiam Kho Taktak
Laimi nih Gospel singer awṭha kan i ngeihmi nupa hna pahnih Pu Bawi Thiang Bik le Pi Naomi Par Tha Sung nih Glory Children Home ngakṭah hna zokhenhnak caah tiin “Thangṭhat A Phu” timi Album an chuahmi chungah aa telmi thangṭhatnak “A Sinak Ka Hngalh” timi Deut an sakmi cu mipi ngaih khawh dingin an vun thlah cang. An thiam kho taktak. Cun an hlabia hrimhrim aṭha tuk. Hlaphuahtu hi Ruth Tin Fam a si i amah hi Glory Children Home ah rianṭuantu pakhat a si tiah kan theih.
Ahla aṭha kho taktak rak ngai cio hmanh uh! Cun hlasakthiam Bawi Thiang Bik nupa zong an thiam chin lengmang Pathian nih ahman chin lengmang hna. Bawi Thiang Bik Le Noami Par Tha Sung kum 2019 ah a ṭhiumhmi an si i tukum 2020 ah Fapa rosunglawi an ngeih i amin ah Bawi Tha Thang Thihlum tiah min an sak. Hi hna nupa hi Gospel singer Pathian thangṭhatnak hla lawnglawng a sami an si.
Cun Laimi hlasakthiam tampi an um i hlasakthiam veve a thiumhmi hi an um lem lo. An hlasakmi atangleiah kan chiah i ngaih khawh a si. Cun “Thangtthat A Phu” timi Album na kut cung i a rak phak tikah na kut rak samh ve dingin le Glory Children Home ngakṭah hna na sut na samh ve nak lai kan in sawm duh chih duh fawn hna.