Awṭha Esther Dawt Chin Sung A Rock Chih A Angki Leng Man Faak Ngaimi Tiang A Hlonh-Video
Laimi tuanbia ah a um bal lomi Myanmar Idol Season 4 a hmuhpiaktu le tuanbia dawhte a kan ṭialtu awṭha Esther Dawt Chin Sung cu atu hi Australia ah (Australia BUSHFIRE Appeal Relief Concert) Concert an ngeih liopi a si. Tutan i Concert an tuahmi hi zeidang ruangah si loin naitan i Laimi tampi umnak Australia meikang harnak tuarmi hna caah tiah hi concert hi an tuahnak a ruang cu a si.
Cu concert ah cun kan farnu awṭha Esther Dawt Chin Sung le kan nau Benjamin Sum he hlasaknak ngeih dingin an sawm hna. An i nuam taktak, an video zong kan zoh in kan hmuh cio cang hna lai tiah ka ruah. An concert tuahmi zong a hlunghlai i atulio zawtnak ṭihnung Coronavirus zawtnak a um liopi a si ko nain, mipi an tam ngaingai.
Tutan i kan nau Esther Dawt Chin Sung a hlasak cu voidang nakin a thiam khun ruah tiah ka ruah. A thiam kho taktak. A angki leng tiang a phoih i biatak tein a hun cawlcangh cu zoh cim lo bak khi a si. Kan naunu Esther Dawt Chin Sung hi a hlasak lio zoh a nuam khun. Aruang cu amah hi a thil tuahmi ah i biataknak a ngei. I biataknak he ahun cawlcangh cu zoh a dawh hringhran ko.
Mipi huham nih a hnursuang lo i, amah cawlcangh le umtu hoiher nih mipi lilatu a ip lehlam hna. Cucaah Ether Dawt Chin Sung hlasak lai cu kan ingaih tuk tiah cheukhat nih an chim pah len. Tutan a sakmi zong rak ngai ve hmanh! A thiam kho taktak, a cawlcanghning zoh a dawhning le duh a nun khawhning cu uar a um a ko.