Austrialia Bakin A Tlung I Hakha Mizapi Zun Inn A Thianh Hakha Hruaitu Upa Nih An Tuah Ding Rian Asi Nain (Video)

Chin News

Australia in a rak tlung mi Tluang Za Thang Hnin hruainak in Hakha mizapi zun-inn  thianhhlimhnak July 12 ah an tuah. Tlangval Tluang Za Thang Hnin hruainak CBCUSA hruainak le LBC Washington DC nih bawmh nakin raktuah mi zaapi zunzun nak athurhnawm tuk caah thianhlim nak an tuah. Aherh mi thil vialte amah nih acawk i nihlawh zong apek hna. Ahmangtu zong nih fel deuh in hman aherh i pehzulh in thianhlim aherh ko.

Hihi Hakhua hruaitu pawl nan ningzak taktak asi tiah ka ruah. Hibantuk hna hi cu Hakha rianttuantu nih nan hrilh awk le kan ttuan awk rian asi lo maw? Nan mit hmanh nan au ngam ding asi lo. Hmun hla piin rat i zeidah a tuah hnga ti kan ruah lioah atu bantuk in zaapi zunzun nak hna a von thianhmi hi nan fim ko ahcun nan ningzah tuk awk  ding asi.

A kal hnu zongah hihi nan daithlan ti dingin asi lo. Nan pehzulh dingmi thil asi. A hmangtu mipi an minchia lai lo. Hakha khualipi minchiat hleiah Hakha hruaitu upa pawl dakaw a ningzak ding cu nan si ko cuh. Zunte lawng zun loin zunpi caah hman chih asi tiakh a fihnung taktak asi hleiah a rim hrimhrim celh ding asi. Tlangval Tluang Za Thang Hnin bantuk Mino hi kan Laimi chungin tampi chuak hram ko hna seh. Mino nih anunning hi i cawn hrimhrim u.

Australia in a rak tlung mi Tluang Za Thang Hnin hruainak in Hakha mizapi Zun-inn thianh

Australia in a rak tlung mi Tluang Za Thang Hnin hruainak in Hakha mizapi Zun-inn thianh========================================================== Australia in a rak tlung mi Tluang Za Thang Hnin hruainak in Hakha mizapi zun-inn le Khualbuk (Pyidaungsu Yeiktha) thianhhlimhnak July 12 ah an tuah. Hi mizapi zunput thianhtu hi Sipin riantuantu an si. Tluang Za Thang Hnin nih an tuan man phalh in a thianhpi hna, tiah kan theih. “Hakha cu kan khualipi a si bantuk in a thianhlim ding hi a biapi tuk mi a si. Khua le ram ca ah saduhthah tampi ka ngei ko. Rian ngan pipi ngaingai ka tuan khawh rih lo ca ah mizapi zunput tal hi cu thianh ve ning ka ti ca ah ka thianh mi a si. Atu zunput hi tiang tein a um ahcun khuapi muisam a dawhter. Ngandamnak ca zong ah a tha. Atu belte hi fihnung tuk a si. Zunte zunnak a si nain zunpi zong an kalchih tik ah a rim a nam, a thurhnawm i fihnung taktak a si. Mizapi ca a si bantuk in a hmangtu zong nih siikaan ngei tein kan hman a herh. Khuallian deuh thumhnak a si mi Pyidaungsu Yeiktha zong zunput zong fih a nung tuk. Khuallian ngeih tik ah zohchia ngaingai a si,” tiah Tluang Za Hnin Thang nih The Hakha Post ah a chim. Hi kong ah Chin Ramkulh Sipin lutlai hlun, Pu Thla Hre nih, “Pehzulh in thianhhlimh khawh ahcun aa dawh tuk mi a si. Atu bantuk in mino pakhat nih khuaram thancho duhnak thinlung a ngeih mi hi lunglawmhpi awktlak ngaingai a si. Amah Tluang Za Thang Hnin bantuk mino tampi kan herh,” tiah The Hakha Post ah a chim. Hi mizapi zunput hi CBCUSA bawmhnak in Hakha khuachung hmun 3 ah sak a si. Pehzulh in thianhlimh a si lo ca ah zunpi zunte, hmunthur dangdang a khat i fihnung in a um ca ah atu bantuk in Tluang Za Thang Hnin hruainak in an thianh mi a si, tiah kan theih.

Posted by The Hakha Post on Friday, 12 July 2019

Aussie in arak kan tlawng mi kan fapa TluangZaThangHnin hruai nak in CBCUSA hruainak le LBC Washington DC nih bomh nak in raktuah mi zaapi zunzun nak athurhnawm tuk caah thianhlim nak kantuah.Aherh mi thil vial te amah nih acawk i nihlawh zong apek hna.ValTluangZaThang nih hin Halkha um upa le mi no nih kantuah aherh mi tete akan chimh asi ko tiah kan ruah.Ahmangtu zong nih fel deuh in hman aherh i pehzulh in thianhlim aherh ko.

Posted by Hakha City Master Plan on Friday, 12 July 2019

 

Leave a Reply