Cozah policy a thlengthar mi: Ralzam in a phan mi poah cu kan phak ka in zarh (week) 13 tiang rian kawl ter lo a si. Nain, mah nih rian hmuh ahcun tuan khawh tho tho a si ko. Mah dawtnak caan zarh 13 a dih bak in rian kawl ter colh a si. Rian kawl ter tikah Cozah nih JobActive (Employment Service Providers) pawl sin ah kuat-kal (referral) tuah a si. Asinain, chan, ramsining le pakhat le pakhat business zuam cawhnak ruang ah mah bantuk policy an tuah mi kha an remh than cang.

Theih ding mi cu: 1. 01 January 2020 thok in a phan thar mi paoh nih mah tein Employment Service Provider (JobActive) kha kawl a si cang lai. 2. Nang mah tein tawlrel a hau. Na duh mi Provider kha thim/fuh hrim a hau lai. 3. Income support payment (NSA,Youth Allowance) a hmuh mi paoh le JobActive (employment service provider) he ai peihtlai cang mi ca cun a buaibainak a um lem lai lo. 4. Minung pakhat nih kum khat ah Service Provider hi voi 5 tiang thlen khawh a si. An bom tung lo mi Service Provider cu nangmah duh tein kal tak khawh a si.

Note: Christmas holiday caan lio a si ko nain CentreLink (Department of Human Service) cu December 30 ni khi an on lai. Holidays a si ko nain rian kawl ter (NSA le YL) a hmuh mi paoh riankawlnal report kha tuah tho tho a hau lai. Nan tloh sual ahcun nan payment kha kham chung (suspension) a si lai.Credit: Sang Hre