Australia rammisinak kong ah Chin miphun nih theih hrimhrim le tuah ding;

Australia Cozah nih Chin miphun cu ralzam in kan phan ko nain rammisinak kan sok ah mah duh le ithiamter ngai in ningcang loin rak sok ruang ah nihin ni ahcun kan miphun hmanh a kan zum ti lo.

Zei dah kan tuah le kan tantti a herh mi hna cu; 1. Citizenship na sok bak in form phih than ding le Statutory Declaration tuah ding an in kuat tikah community upa hna theih pinak tein Statutory Declaration kha tial ding a si lai.

2. Mah Statutory Declaration (biakamnak) kha Federal form na hman lai. Na umnak State- SA, VIC, WA, QLD form hna na hmang lai lo. 3. Commonwealth of Australia timi Declaration Form kha na hman lai.

4. Kawlram ah Birth Certificate kan ngei lo ning, hmepungtin kal tak a sinak le innthawngsuh cazin lak khawh a si lonak le phun min kan ngei ko nain kan min tial tikah kan hman lo ning kong Statement nan tial tik paoh ah ka chim mi le ka tial mi hi nan zumh lo ahcun kan Community upa hna hi bia ruah hna uh hal hna uh law tha deuh le fian deuh in an i chimh khawh hna lai ti hi rak talh peng uh.

5. India le Malaysia um mi nan unau maw nan chungkhat NaN auh tik hna ah mi kip fial lo ding. Voikhat an cohlan ti lo hnu ah minthlen le a chuahkum thlen tbk in au ti lo ding. 6. Miauhnak ca na tuah mi paoh khi copy i chiah dih. UNHCR zung na rak luhnak konglam zong kha ralring tein rak i chiah peng.

Note: Mah ruangah hin Court kai a hau ding Chin mi kan tampi cang. Atanglei ka tar mi hi a min um lo. Asinain, kan mah miphun nih ton mi a si. Ministerial biakhiahnak an hngah lio a si ko hih.

Credit: Sang Hre