Australia PM Nih Ramdangmi Vialte A Ṭhawl Taktak Cang Hna

Thawngpang

Campaign tuah lio ah khualtlung dawt kong ah minthang ngai a simi Australia Prime Minister Scoot Morrison nih ramchung in remleng minung paoh chuak ding le tlung ding in a fial cang hna. Inn tlun caan a si cang. Hi bantuk in coronavirus ruang ah thinphang thlalau in um lio ah zei dah nan tuah. Tlung zokzok uh tiah ramchung ah a ummi khualtlawng pawl a phomh cang hna.

A chim chih rihmi cu, caan a tthat lio ah cun khualtlung mileng hi kan in dawt hna in kan i cohlan ko hna. A sinain a tu cu inn lei ah nan tlun caan a si cang. A cozah nih a herhning in tlunnak ding zong tuaktaan piak le bawmh chih ding in a chim chih. Hi bantuk in PM Scott Morrison nih a ti hna lio ah Australia ramchung ah sianginn a kaimi ramdangmi mi tampi hna cu inn i tlunnak ding caah a zahnga in phaisa a ngei lomi tampi an um hna.

Mr Morrison hi tuan ah cun khualtlung mileng dawt le zohkhenhnak dong ah minthang a rak si. Cu caah Australia ramchung khualtlung mileng an luhchuah biknak hmun Lara Bingle zong ah rian ttuan ding in laakmi a rak si phah. A sinain a tu ah cun ramchung ah rian ttuan le sianginn kai in khua a sami ramleng minung paoh paoh cu a tthawl dih cang hna.

Tlunnak ding caah phaisa a ngei lomi hna zong tlun ding in le zei bantuk visa hmanh in ramchung ah a rak lutmi vialte zong chuak ding in ti an si cang. Cu bantuk in tlunnak ding caah phaisa nan ngeihlo a si zong le nan ram nih in tuaktaan piak ko hna seh. Caan a tthat lio ah cun khualtlung mileng hi kan in dawt hna i lunglawm te in kan i cohlan ko hna. Nain a tu cu nan tlun caan a si cang tiah a chim. Chirhchan:Dailymail

Leave a Reply