Mebourne Nitlaklei sathahnak company pakhat ah COVID-19 an hmuh. Rian tuan mi an check hna hi minung 19 an hmuh cang hna. An Sathahnak min cu an langhter lo. Mah hi a phung a si. Melbourne Nitlaklei sathahnak (Abattoirs) pawl ah hin Chin le Karen tampi kan tuan dih hna. Kan Chin mi chung zong in an hmuh hrim hna lai zumh a um. Kan Victorian Cozah nih tuzarh chungah minung 100000 tluk test kan tuah hna lai a ti.

Tih tuk ding a si lo nain kan dih lak in ralrin thiam cio hna uh sih law. 1. COVID-19 hi kan Lai mi nih kan ngeih sual ve zong ah nihsawh zomhtei ding a si lo. 2. Mah zawtnak – raitha lo an kan chonh ruangah ningzah ding pakhat hmanh a um lo. 3. Zawtnak cu ngei phung a si ko. Kan dih lak ralrin cio tu kan hau hna. Credit: Sang Hre

Thawngpang thar rak rel chih: Mike Pempeo: Tuluk Nih An Sualman An Liam Hau. US ramdang vuanci, Mike Pempeo nih tuzing ABC News interview ah a chimmi cu Wuhan khua in a thawkmi coronavirus cu laboratory in a chuakmi a sinak telhte tampi kan ngei cang” tiah a chim.

Mah Coronavirus cu Tuluk cozah nih a thli tein an zuh termi asiloah accident in a zuhmi dah a si timi cu a chim lo. Pompeo cu US ramdang vuanci a tuan hlan ah CIA timi Central Intelligence Agency ah Director a tuanmi a si. Naite ah coronavirus kong a hlathlaitu le document a tuahtu dossier minung 5 Five Eyes intelligence agencies timi US, Canada, the UK, Australia le New Zealand, ummi nih cahmai 25 a telmi document an chuah.

Mah chungah Tuluk cozah nih thil dik an chim duh lomi, thil dik a chimtu doctor, journalist hna an ka an phihmi hna le website an kharmi kong, Tuluk ram ah lockdown an tuah nain a chuak lei an philh duh lomi, WHO sin ah minung le minung a chonh kho lomi asi tiah lih in report an rak tuahmi, WHO le ramdang mi nih Wuhan khua ah Virus a thawknak kong chek hlatnak tuah an duh lomi vialte zohthan tik ah Tuluk cozah zumh an um lonak a sang chinchin. Mike Pempeo nih Tuluk cozah nih an tuahmi thil cungah aman an liam hau” tiah chim. Salai Lairamthang