Australia Chinmi Vialte Dawtnak Kutsamh Ding In Sawmnak: Invitation to donate for the victims of bushfires. A tu lio Australia thalmei kang nih NSW le Victoria State cu fak piin a den. Ramsa 480 Million tluk an thi cang tiah News nih an langhter. Inn le lo tampi a ciam i minung nunnak tampi zong a liam mi an um cang.

Hi lio caan ah kanmah Chinmi phun nih online in bawmhalnak kan tuah ve. Na lungthin ah rian a tuan ning in dawtnak kut samh ve ding in kan in sawm hna. Kan Chin Miphun biaruahnak le a dangdang hmun kip ah share ding in kan in nawl ko hna. Mah bomhnak [donation] nan pek mi hi CFA (Country Fire Authority) sin ah kan pek hna lai. Kan miphun dih lak in tal khawh a si. Pumpak, Community min le Khrihfabuu min zong in tal khawh a si. Nan dih lak cungah kan i lawm.

Meikaan bomhnak update: Online fundraising a kal cuahmah. Tuchun ah Country Fire Authority le Australia Fire Authority Council he tlamtling tein kan i chawn kho hna. Kan Chin communities le Khrihfabuu hna nih bia tak tein kan cawlcanghnak kong le kan Chin miphun zong volunteer in CFA ah tal kan duhnak ka chimh hna. Kan caah lam ser khawh an i zuam lai.

Cun, kan miphun chung in business a tuah kho deuh mi hna zong zanghlei an chuahnak le bomhnak pek ding timhtuahnak kong zong ka chimh hna. Kan miphun hawi hna, tulio caan hi min kawl caan a si loh. Khuatuak tan caan zong a si lo. Tuan caan thazang chuah caan a si. A kan la tu nih harnak an ton caan ah a kan dawtnak langhter caan a si. Kan si khawh tawk tein kan pek mi khi Cozah le meikangh a tuar mi caah san a tlai tuk. Petu vialte cungah kan i lawm. A pe lai ding mi vialte cung zongah kan i lawm. Credit: Sang Hre