Australia Kal Dingmi Nih Cun Theih Hrimhrim Dingmi Thil

Theihtlei

Australia a phankaami le a phandingmi nih theih hrimhrim ding

Image result for melbourne

Pathian dawtnak thawng le Australia cozah dawtnak thawng in Malaysia um Chin ralzam Australia ah tampi kan kal kho hna. Kum khat ah hngakchia chuakka he cun Kawlram tlangcungmi dihlak hi minung 1000 deng lengmang kan kal. Hi chung ah Chinmi hi 70% kan si.

Malaysia um Chin ralzaam Australia a kalmi ahhin minung 100 ah 60 hi cu ngandamnak lei ah a chambaumi lawngte kan si. Zawtnak phun khat tel a neilomi kan um lo. TB maw, B pu, C pu maw siloah a dangdang an si. Cheukhat cu IOM (International Organization for Migration) ah zawtnak kan i check i Australia kalnak ding ah dawnkhantu zawtnak kan neihlo hmanh ah Australia kan phanh hnu ah Doctor te nih zohthan/ Check than dingmi tampi kan um. Cutikah Australia Visa a kan pek hlan ah Health Undertaking Form (form 815) hi phihter lengmang asi. Australia kan phanh le cangka in Doctor te nih follow-up (zohthannak) an tuah dingmi asi.

Cucaah Australia kal lai ah Health Undertaking Form phihter asimi pohpoh nih Australia phanh hnu zarh hnih chung ah siloah thlakhat chung ah Health Undertaking Service (HUS) sinah pehtlaihnak tuah colh ding asi. Cheukhat cu daithlan ruang maw siloah philhsual ruangah maw siloah theihlo ruangah maw a tuahlomi nan um. A poi ti lo ti hna in na um sual ahcun hmailei nangmah ca siseh a dangdang ca zong ah tihnung ngaimi asi.

Australia na phanh hnu ah na zulh ding le tuahdingmi na zulh lo le na tuah lo ahcun hmailei ah na chungkhat/cingla rualchan auh na duh tik hna zong ah na au kho ti hna lai lo. Cucaah nawlngaih le chimh ngaih hi a biapi ngai. Kan ram Laitlang kan um lio ruahnak kan neihmi ” a poi lo” timi ruahnak kha Australia ahcun a ngah ti lo. Cucacun tuah ding le zulhding ah min kan thutmi/ kan hna a tlakmi kha zulh khawh le tuah khawh i zuam hna uhsih.

Miphun dawtnak le siaherhnak he.. CRC Malaysia

Leave a Reply