Admin||04 Vaupi 27-2020|| Coronavirus nih vawlei cung hmunkip le ramkip a cul i a phanhnak hmun paoh ah zawtnak nganfahnak le thihnak a tlunter cu mi vialte hngalh a si. Vawlei mifiamthiam hna nih hi zawtnak hin zeitin dah kan luat khawh lai ti cu chunzaan hngilhlo in an tuaktaan cio. Cu chung ah Australia cozah nih cun hi bantuk in COVID-19 a ngeimi pawng ah umkal tik ah hngalh khawhnak app cu Pathianni ah khan an serchuah cang tiah an thanh. Cu app cu COVID-19 contact-tracing app ti a si.An chimning ah cun hi app nih hin coronavirus a ngeimi pawng i umkal tik ah theihternak a peek. Hi bantuk hmang in coronavirus hi a karhlo deuh hnga maw tiah ruahchannak ngeih a si. COVIDSafes uses bluetooth-tracing technology hmang hin kan pawngkam ah a ummi minung nih COVID-19 a ngeih le ngeihlo hngalh khawh a si lai. Hi app hi Australia cozah nih theihhngalh pimi hna le zaanghlei cawi in rian ttuantu hna nih an hman lai. Australia lawng silo in China, Singapore le South Korea hna nih cun hi bantuk app hi kaupi in an hman cang ti a si. Cun thawngttha ngai a simi pakhat cu Apple le Google hna nih contact-traing apps hna cu a ra laimi May thla ah chuah ding in timhtuahnak an ngei. Ref: ABC News