Intentional Court of Justice (ICJ) ah Myanmar ai-awh in a kalmi Daw Aung San Suu Kyi dirpinak tuah an timhmi kan duh lo ruangah Rakhine ramkulh Butitawng peng NLD chairman kan tlaih tiah AA nih an chim. AA ralbawi General Htun Myat Naing nih “hi tluk ralkap sualnak le mipi harsatuk in a tuah cuahmahmi kan dirpi timi cu kan hmai na kan bitter taktak, hihi cu kan lungtling lo taktak” tiah chimnak a ngei. AA ralbawi General Htun Myat Naing nih “anih hi zeihman ah nan rel lo, curuangah anih hi biahal duhmi kan ngei” tiah a chim.

Butitawng peng NLD chairman U Ye Thein cu December 11 zaanlei ah a tlau. U Ye Thein cu NLD zung ah a riak theo tawn i a tlau ti theih a silo. December 12 zinglei ahcun zung ah a um lo inn zong a um lo ruangah a tlau ti theih a si tiah Sittwe pengpi NLD chairman U Thinka Kyaw nih a chim.

U Ye Thein cu a tlau hlan ah Butitawng khuapi ah ICJ buainak kong chim fian dingin a kalmi Daw Aung San Suu Kyi dirpinak tuah dingah hruaitu a si. AA tlaih a ton ruangah Daw Aung San Suu Kyi dirpinak cu Butitawng khuapi i tuah a tihmmi zong an let than tiah theih a si. Falamtime