Myanmar State Counsellor Aung San Suu Kyi nih Facebook ah a postmi cu April thla chung ah hin hmaikhuhnak (mask) 6.3 million cu mipi sin ah kan phawt lai, tiah a ttial. Hi hmaikhuh phawtnak rian hi Ministy of Health rian ttuantu hna hmang in a si lai tiah a chim chih. Ministry of Health aiawh biachimtu Dr. Thar Tun Kyaw nih hi hmaikhuh 6.3 million phawtnak kong he pehtlai in zei tin dah rian kan ttuan ning a si lai ti cu Health Ministry lei nih mipi sin ah thanhnak kan tuah tthan te lai, tiah a chim ve.

Hi hmaikhuh hi a hmasabik ah an dirhmun ttihnung a simi hna sin ah kan peek hmasa hna lai. Cu bantuk hna cu coronavirus in a zawmi hna he ai pehtlaimi an nu le pa tibantuk an si lai. Kan ministry nih hi phawtzamhnak kong hi fiangdeuh in thanh tthan a si lai. Hi hmaikhuhnak hi mizei mizei sin ah dah kan peek lai ti le mizei bantuk sin ah dah kan peek hna ti cu fiangte in kan thanh tthan te lai tiah Dr. Thar Tun Kyaw nih a chim.

Hi hmaikhuhnak pin ah State Counsellor Aung San Suu Kyi nih April 5 ah Facebook in a chimmi cu a cozah nih rian ttuantu hna le hi lockdown chung ah tuah ding in rak timhmi rian pawl hna a bik in Thingyan (water festival) kharmi ruang ah meiman le internet man pawl hna cu peek piak an si lai, tiah a langhter chih. Ref: Mzz