Dear ASSK Le Bawi Jesuh An i Lawhnak Zawn

Ram mipi harnak le sifahnak na zoh kho hna lo caah Ramdang na umnak le sianginn na kainak, na fale le na pasal khuromh lo tein na miphun le ram zawn na ruahnak nih Kawlram Cozah tangah nan nun nai phah. Thong kum zeizah an in thlak. Kuanfang tih loin na pah ngam. Upatnak laksawng na hmuhmi phaisa hmanh misifak caah na hlut. Nangmah caah ichiahmi na nei lo. Bia na chimmi kha ‘ Ka thih zongah Ralkap nawlngeihnak hi lakin mipi kut ka pek khawh ahcun ka thih sia a rem la’ na rak ti.

Ram ai thleng i na cawlcaang kho. Asinain na hnulei in Ralkap nih na duhning cawlcaang kho lo ding in Meithal le Cauk Hringpi nih an in dawnh peng rih. Ralkap le Ca uk hring pi ruangah na tuah khawh lomi rian poah nangmah santlaihlo ah hmuh na tong. Na tuahmi thil hi a ttha in hmuhpiak an tim tilomi na ral zong an karh. Huatu zong na ngei i duhtu zong na ngei. Na lungder hlah. Chinmi chung in an huatu le dotu zong an um ko. Nain na nun rih chung cu an dirpitu hi Chinmi chung in kan tampi rih. Kan tam deuh fawn.

Bawi Jesuh zong hi van sunparnak kal takin Vawlei musual mi hna nun i hrawm ding in a hung tum. Mi sifak he ai kom. Misual he ai kom. Setan nih nawlngeihnak ai lakmi cu a chuh i kanmah a kan pek. Thangtthat tong loin Chiatserhnak vailam ah thah a tong. Dotu an i lawm. Farasii an i lawm. Mi a hlen hna.,tiah sual phun phun an puh. Dotu nih an tei.

Asinain a tuahmi le inmi hi a thih hnu kum tam nawn ah a tuahmi thil fiang tein theih a si. Cu tikah mi tampi an i ngaihchih. Farasi an lawm. Jesuh dawtu kan tam chin. Tthutdan ruangah Jesuh an huat. Luatnak a duh tu nih Jesuh kan duh. Luatnak a duhtu nih ASSK kan duh. Kan hnuh le hmuh lai lo cu caan nih a chim te lai. Thutdan nakin Luatnak taktak a duhmi nih ASSK kan i thim ko lai.

Credit: Charles Ram Hnin