Pi Ci Biadik Chim caan acu cang Thlencaan Acu bang in: Biatak Chim dah ti Lo cun Dantat nak le Sifah hremnak in Luat kho asi ti lo. Miphun a lianngan tertu cu Dinnak asi. Midinfel hna nih miphun le ram an cuaisan. Midepde le mi dinfel lo hna nih ram le miphun an hrawk cikcek ve. David Van Bik:

Vawlei cung miralṭha bikcu Jesuh Kri asi. Biatak kha thih tiang in a ṭanh. U Kyaw Ṭin: Vuanci Myanmar State Counsellor Office, DASSK azulh dingmi pa asi. “ICJ nih Kawlram dantat ding hi 100% afiang cang” tiah Tamada Inn, Tadin chimfian nak ah a chim. Pi Ci nih Misual hna khumzual loin Biatak chimh ding asi. Meeting ahhin Pi Ci, U Win Myint, Ralbawi chip, Cozah bawi hna le Ralbawi dang zong tampi an i tel ve.
Upadi thiam mi hna le ruahnak pehtu hna kan hlan cang ko hna nain a fawi lomi thil asi. Cikor hloh dingin thahnawn nak ah khamh le thloh, tuahser nak aum lo ruang ah tazacuai mi hi asi. Hi ruang ahhin ICJ nih Azitzu ding hi asi bik. ICJ cu UNO nawl pek nak in Tazacuai nak an tuah hi asi. Phungki Asin Zavuana: Sualnak le nawlbuar mi hna kha khumzual lo bak in biahman chimh caan acu cang. Misual luatnak ding caah Pi Ci nih kan hman ko ati sual ah a zual chin lai. Ralkap zong nih thildik kha Pi Ci kha chimh ve hna seh. Pi Ci zong nih Thildik kha hal hna in hlathlai sehlaw, cu ning cun chimphuam ah ṭha.

Cu lawng lawng ah Vawlei miphun hna hmai ah pelte tal kanlu kan cuai khawh deuh lai. Gambia le Foley Hoag Com.ltd Sihin hna nih Tehte an ngei mi hi atam tuk. I pheh awk le khum zual awk ṭha asi lai lo. Biatak aphuan lawng ah Kawlram mi dantat nak in kan luat lai I Miphun Limhang azawr mi aa ning deuh lai. Tamada Zung ah an Chimrel mi: Kawlram ah asimi thil hi miphun pakhat cikor thahnawn nak le hloh nak asi lo. Cuti siding ah kan tuah hrim hrim lo tiah chimh ding asi caah afawi lo. Pi Ci kha lihchim ter bantuk asi caah khuaruah ahar ko.

Genocide ding ah hin, A thlithup in siseh, ruahnak ah siseh, timhlam nak siseh, tuahser nak in siseh, tuahṭuan nak siseh, tukthah nak in siseh, ṭhawldawi nak ah siseh, tbk in kan tuah in kan cawlcang hrim hrim lo tiah chimh a herh lai. Kantuah lo nak tehte chuahpi aherh lai. Hi hnu zong ah kan zoh khen hna lai. Ahnu bik ah hoikawm ram le International level ram hna kha bawmh kan hal hna lai. Tamada Zung ah phisin aherh mi hna caah Tehte khawmsuat aherh mi: Genocide Convention ah aatel mi Cikor hloh tlau nak Upadi abuar. Cu anbuar mi Upadi ruang ah direct in siseh, Indirect in siseh tuanvo a lak lo nak.

Thloh ding le sualphawt dantat ding ah a philh mihna: Genocide ding in thahnawn nak, Tukfawr nak, Forhfial nak, thloh lo nak, Hmurka cipnak, atheih lo bantukin in I um ternak, Misual pa kha dantat lo nak, tbk le 1948 kum ah Genocide kong ah sen athuhcia ko mi Upadi zulh loin a um mi hrim kha sual an phawt bik nak cu asi. Kawlram nih Geneva Civui pi ah ceihkhan in senthuh cang mi Genocide Upadi a zulh lo lawng si lo in a hlonh in hnu achit ti kha sual biatak tein phawt cu asi. Hi hna hi Gambia nih tazacuai nak cahmai 46 chung ah abik in aatel mi hna an si. Hi hna hi zeitin dah kan I phisin khawh lai ti kha an I ruah mi cu asi.

U Tun Khin, Rohingya caah rianṭuan tu, UK: UN zungpi ah tehte aphan mi hi atam tuk. Dar 40 leng asi lai. Hlathlai tu bu nih kum tampi tehte an khonh cang mi asi. Vawlei pumpi nih upat mi le Vawlei mipi a hip minih asilo ning in Biadik lo chimh ding cu asi kho hrim lo. Pi Ci huham le minthang nak hmang in tlaihrem le I phisin an I timh mi asi caah Nobel Peace Award hmuhcotu pakhat dirhmun in cun ICJ ah kal lo ah a ṭha deuh. Tazalu in Tazakhan kan si sual lo nak hnga biatak tein tuaktan uhsi!

Kawlmipi nih Pi Ci dawttuk ruang ah thil pingpalo achuak kho: Kawlram khuapi kip ah sandah an piah. Pine le khuapi dang zong ah an I timh rih. Vawlei cung Kawl miphun umnak kip ah sandah piah an I timh. UK le ICJ tiang in Sandah piak an I timh. Mirum hna nih sponsor pek an in timh. Cu ruang ah UN pi le Nuhrin covo bu an lung re a theih tuk cang. Pi Ci duhdawt le Tlaichan si loin Mithat lainawng, Genocide si tertu le karh tertu, Geneva Civui pi Upadi buar, Sen anthuh cia mi zulh duh lo in Nawlbia buar, tbk in a hmuh an I chap chin lai. ICJ ah tazacuai nak a hmuh a tam chin lai. UN Huhim kilventu “Security” council sin ah zoh zoh in kan ap uh law, kan ram hi mual pho chin seh tinak asi, an ti ve cang.

Lairam Krifa: ICJ kong ah rawl ulh thlacam aatimh mi le Chinram ah NLD cozah hruai nak in mipi duhnak langhter hrimhrim lo ding in hi capar in kan nawl hna. Kachin Unau: Tlangcung mi kong ah Cozah nih abuar mi covo Tinvo vialte ICJ, ICC ah an kuat. Thank you so much ICJ & ICC an ti hna. Chinram le Chin miphun Nangmah tluk tein a daw vemi- Kawlrawn in Nan Unaupa. Saya Rung Kaw

https://www.facebook.com/saya.rungkaw.7/videos/158953862133163/