Voikhat cu Pi Aung San Suu KYi nih Chin State CM Salai Lian Luai sinah,“Baibal hi voi zeizat dah chuak lakin na rel cang,”tiah bia a hal. CM Lian Lian zong nih cun Pi Aung San Suu Kyi nih cu bantuk bia a halmi cu i pheh lo tein,“Voikhat hmanh ka chuah rih lo,” tiah lehnak a tuah.

Daw Aung San Suu Kyi nih cun hitihin a chim,“Baibal chungah duhdawtnak, zaangfanak, zawnruahnak, dinfelnak, felnak le fimnak vialte a um dih. Kei cu voi 25 kaa chuah cang,”tiah CM Salai Lian Luai cu Baibal a chuahnak kong cu a chimh.

“Daw Aung San Suu Kyi nih Baibal ca voi 25 chuak lakin ka rel cang timi zumh lo awk a ttha lo. Zeiruangah dah kan ti ahcun, bia a chimnak ahhin Baibal ca chung bia a telhchih a thiam ngaingai. Cun, Khrihfa hlabu zong duh tawk in a sak khawh,” minung pakhat nih a chim.

Aung San Suu Kyi lawng si loin, ram hruaitu pawl nih kan Khrihfa Baibal cathiang hi an lengmang ve. India zalonnak a chuahtertu (daihnak a serhtu) Mahatma Gandhi zong nih Jesuh Khrih nunning a uar tuknak kong a rak chim tawn. Cu a chimmi cu sermon nak ah kan hman lengmang tawn khah.

“Laimi ka si na ti, na s lo kan ti fawn lo. Cu lawng cu a za lo, taktak ti ko ahcun Laimi nih kan herhmi cu dinfelnak le zawnruahnak, zaangfahnak hna hi kan herh taktakmi hna an si,” tiah Pu Ngun Thawng nih cun a chim. Charhchan:Ihburlenpictures