Aung San Dar Lem Kongah Thantlang Lawng A Hlawhtling Mi Si Tikah Mah Nih Zohchuntlak Ramkulh Kan Sinak A Langhter

Chin News

Thantlang khuaah Aung San dar milem toh timhmi program cu “ngol a si lai” an hun ti.

Image result for aung san lem

Mon, Kaya le Sagaing ramṭhen bantuk zongah Aung San dar milem cu mipi nih an doh cio ko- nain an hlawhtling lo, an phun thotho! Thantlang hi Aung San dar milem kongah a hlawhtlingmi umchun a hun si. Hihi zohchunhtlak ramkulh kan sinak miphun dang hmaiah a hun langhtertu pakhat asi.

Aung San dar milem toh kan duhlomi cu: Aung San pumpak kan huat ruangah asi lo, a miphun in huatmi zong kan ngei lo––nain kum 71 lamthluan ah kan hmuhton le nunton nih a kan chimhmi a um, kan miphun caah a him lo ngaimi “lungput” ṭhalo kan dohmi a um caah asi.

Hi kongkau hi thil fate asi lo, miphun mitin thil nganpi kan dohmi asi. Hi teinak cu mipi lungrualnak thawngin asi i, mipi aw-aan a ngai i, hoiher a zohmi, mipi duhnak a upatmi hruaitu kan ngeih ca zongah asi. Cucaah kan zapi teinak asi. Hi kongkau ah re a theimi le a cawlcangmi nan zapi cungah kan i lawm.

Credit: Salai Van Lian Thang

Leave a Reply