Khah zoh lai ngaih um tuk cang. Chin Pasal Tial Cung Thang cu Thaizing December 6, 2019 Malaysia ah tuah mi One Championship Martial Art Thuatning phuntling hmangin Korea patthawng Kim Woon Kyoum he an i phomh cang lai.

Chin pasal ttha Tial Cung Thang hi Kachin kan unau Burmese Python tiah theih le auh mi Aung La N Sang le A hawi Martin The Situ-Asian” Nguyen zong nih pumpak bakin amah Tial Cung Thang thaapek dingah an rak zulh.

Hi kong he pehtlaiin Aung La Nsang nih a chim mi cu uar um taktak. Teinak hmu dingah Malaysia kan phan, Malaysia cu Kawlram mi tampi zong nih nan kan zoh lai ka ruah. Zoh lai ka ngaituk tiah a Facebook ah a langhter. Malay um Chinmi zong nih thazaang pe cio hna usih.

Relchih: Lucy Dai timi nih Esther le Benjamin Sum kong a tthialmi hi a dik taktak. Chin miphun ka si ati mi hna nih maw hitiin ca kan tial tawn apoi ngai. Benjamin Sum nak cun Esther hi zei lei paoh ah uar um, a thiam deuh ko, winner ding bak si.

Esther kong nan tial duh ah cun nan duh nak zawn te le nan uar nak tu kha tial ulaw atha deuh lo maw? Benjamin kha phomhchih ding asi lo bantuk in Benjamin kong nan tial tik zawngah Esther phomhchih lo tein ca tial u law atha deuh lo maw? Nan catial mi hi miphun hleidan nak a si.

Lungdonghnak a kan pe khotu Pakhat le Pakhat i remh lo nak achuah pi tu ca asi, Benjamin zong Chin miphun asi, Esther zong chin miphun asi, Yaw kee zong chin miphun a si, an 3 in anthiam tuk, Chin miphun min athatter tu an sidih, Winner hmu atlak mizong ansi dih. Hi hi philh hlah usih. Credit: Lucy Dai