Lawmhnak bia chim ka tlai sual: May 27. 2007 ah fimnak ca cawng dingin Halkha ka phan. Halkha i ka ni te sinah Ygn kalnak ticket zarhkhat ka rak hngak cu lioah minung pahnih nih thazaang an rak ka pek. Cu hna cu ka u Tuantinpar le ruahlo tuk in a ka `liamtaak mi ka u Nu Hliang an si. Ca cawn in fimnak co hi zeithluk in a biatzia a ka chim i a ka forh fial mi cu a tutiang ka philh lo, ka min le ka sining a theihnak cu ka ni zingte (Kenedy nu) ruangah si.

Kha lio i Halkha ah mui dawh ruangah aminthang ve mi nih ti hin a ka forh fial: Aung nang cu kan zoh ah hin na timhmi aphaan kho ding lungput na ngei. Nangmah btk in pa a fel mi ka hmu hna lo i, ni ni khat ahcun teinak na hmuh hrim te la. Harnak phuntling na tawn lai i khi tikah kan chimmi hi philh te hlah muh na lung va dongter hrim hrim hlah. Laimi nih upat mi na si tikah na ka philh cun poi lo nain na timh mi he pehtlai in kan duh piak mi na tlinter ding hi na u kaa lawmnak ding mi si. Na timh mi hi a tlaamtlin hlan lo na lung tthual hlah muh tiah biaro a rak ka vuih.

Hawi ka tluk lo buin buaih ka lak ahhin ka lungah ka u Nu Hliang sinah lawmhnak bia chim ka duhtuk nain ka ruah mi cu ka u Nu Hliang cu muidawh minthang si caah ramdang ah um cang la tiah ka ruah i lawmhnak bia zong ka chim thai loh. Ka u Nuhlaing na kan liamtaak hnu lawngah na sining ka theih i teirialnak thazaang a ka petu na sinah kaa lawm timi bia hmanh kan chim loh ka ngaithiam.

Biakilh: A kan dawtu sinah lawmbia chim hi i sum ding si loh. Lawmhnak bia kan chim lo ruangah lungfahnak a chuak. Credit: Aung Aung Lungler