Dear Miphun hawi hna, Nan dihlak sin ah atu lio vawlei cung ah aleng mi Corona Virus ruang ah sermi thil vialte hna nih kan ton mi kong ah Pathian bia kan Bible cauk chung in a kan cawnpiak mi kan dir hmun le sining zoh tti nak le thazang lak ttinak ngei ding ah ka vun in sawm hna. Ni zaan thawk in hi COVID 19 zawtnak hrik cu World Health Organization nih epidemic si ti lo in pandemic tiah a dirhmun le sining cu a fianter. Asullam cu hi zawtnak hrik cu mibu pakhat ( or) miphun pakhat cung lawng ah atlung mi si lo in vawlei cung mi vialte cung ah atlung cuah mah mi zawtnak hrik asi ti kha achim duh mi cu asi.

Kan Bible cauk chung Rom cakuat 8:22 ah cun “ ser mi thil vialte hi atu caan tiang ah cun nau nganfah bantuk in an hrum an ai “ tiah ka hmuh. Asi hrim ko ser mi thil vialte hna cu atu lio zawtnak hrik atlung mi ruang ah hin kan hrum kan ai i ttihnak in kan khat. Sihmanhsehlaw ruahchannak cu aum thiam thiam ko. “Cu ruahchannak cu zeidah asi tiah cun ni khat khat cu sermi thil vialte hi thutnak sal sinak khan luat ter an si lai i Pathian fa le hna luatnak a sunglawi mi kha an i hrawm te lai” Rom 8:21 Bawipa nih arel tu dihlak caah ttihphannak chung in thazang thar kan pe cio ko seh. Amen Nan dihlak siaherhnak he. Credit: Emmanuel Cinzah