Atulio Mizo Tlangval Nih An Thihhnawh Dengmi Le An Facebook Tiangah An I Tarmi Lainu Muidawh Hlasakthiam

 

Laimi kan mak taktak ka tinak cu, thazaang pek kan thiam lo ning le kan hman lo ning hi amak taktak si. Pakhat le pakhat i cawisan hrimhrim kan duh lo. Kanmah a kan lonhlai kan phang i, a kan tei sual lai ti kan phang tawn. Mizo kan unau hi zohchun awk tlak taktak cu an si. An hlasakthiam pawl thazaang pek an thiam hna ning le pakhat le pakhat an i dirkamh ding hi zohchun tlak taktak an si ko.

Atu lio Mizo nih thazaang an pek cuahmahmi an uar ngaimi. Laihlasakthiam Iang Len Sung hi kanmah Laimi nak hmanh in mizo nih thazaang an pek deuh i, a zohtu zong hi kanmah Laimi nak hmanh in mizo an si deuh men. Comment thazaang peknak lawng hmanh hi 604 leng bak a phan. Cu lakah Mizoram hlasakthiam minthang asimi le mipi nih an uar khunmi Vanlalsailova tiang nih thazaang a rak pek ve.

Mizo pawl nih commnet an pek ning: Ranchoddas Lalnghakliana Hnamte: Kumin 2019 a Pathian Hla chhuakah chuan ‘hla nung ber’ ah ka dah. (Ka vawikhat ngaihthlak naah min khawih nghal hle a ni). Susan Juliet: Kei pawh Ka vawikhat ngaihthlak naah mak Ka ti a midang sak Ka ngaithla tawha adanglam a ni kei mah ah.a nung tlat.

Vanlalsailova Official: I va thiam emm..👏. Jeremy Lalrokima: Facebook a, Dame-a Lalruatsanga tih khan a atchilh bur mai che, i thlalak thlengin a facebook wall ah a upload vel a😁😁..ilo zaithiam em atin nih hi..

Pakhat le pakhat i dirkamh hna usih law thazaang pek i philh hrimhrim hlah hna hlah usih! Kanmah Laimi hlasakthiam hna zong pakhat le pakhat i dirkamhin thazaang i pe uh. Cun Mipi hrimhrim nih hlasakthiam kan i ngaihmi hna hi an thazaang a der lonak hnga thazaang pe chin lengmang hna usih! Kan hlasakthiam hna an thazaang laknak cu le thazaang peknak an hmuhnak ding cu mipi nang le kei kan si. Dirkamh hna usih! Kan Miphun si lomi hmanh nih an cawisan hna ahcun kannih cu kan i zuam tuk awk asi.

https://www.youtube.com/watch?v=_d-oP01GGnU