U.S ram cu thinphang taktak si ko cang. Atu cu president Trump ttanhtu cheukhat cu khuachung ah hriamnam le meithal i putin khua lak ah an um cang. Hi kong he pehtlaiin FBI nih an chimmi cu “U.S state kip ah Trump ttanhtu hna nih hriamnam le meithal i putin buainak an chuahter khawh men cucaah mipi zong nan tlawnlennak ah nan i ralrin taktak a herh” tiah thawngthanhnak an tuah.

President elected Joe Bidden nih Jan 20 ah president biakamhnak a tuah lai caah khini ah khin Trump dirkamhtu hna nih duhlonak an langhter i, buainak faakpi a chuak kho men tiah ruah cio a si. Kan theih bantukin a luancia January niruk ah Congress nih phungning tein Biden cu U.S president caah fehter a si i, Trump ttanhtu hna an lungtlin lo caah vawleicung ah a im bik timi Capitol innpi cu an luh hnawh caah buainak faakpi a chuah lawng si loin faaktukin U.S cozah zong an mualpho phah.

A bikin President elected Joe Bidden nih Jan 20 i president biakamhnak a tuah ni ah khin buainak a chuak kho timi an phan caah ralkap minung 25,000 tiang vengtu dingah timhcia in an chiah cang hna. Tthenkhat ruahnak ahcun Trump nih Matial Law a chuah khawh men tiah a ruatmi zong um si ve. Zeisi paoh ah Jan 20 tu khi hngak phawtrih ko hna usih! Thinphang ngai pakhat simi u cu Trump ttanhtu cheukhat hriamhrei he khuachung i an vahmi hi thinphang bik si.

Atu lio Trump thawngphang relchih: President elected Joe Bidden nih biakamhnak a tuah hlan Jan 20 zing/morning ah President Trump cu White House chuahtak lai tiah AP nih a ttial. Joint Base Andrews, Maryland ah thlahnak tawite an tuah piak lai i biachimnak zong ngeih dawh a si. Cun, Air Force One in Florida a inn ah a kal lai tiah an ttial.

US Democracy nunphung ning in President ah thim tharmi cu President a si liomi nih don/welcome tuah a si tawn nain Trump cu Bidden hi a chawn lo i, biakamhnak puai/inauguration zong ah aa tel lai lo tinak a si. Vice President Mike Pence belte nihcun a rak kai thar dingmi Kamala Harris cu nilini ahkhan a chawnh i, congratualtions zong a pek tiah an tial chih.

President Trump cu approval rating 29 he White House a chuah tak lai tiah Pew Research nih an thanh. U.S President a tuan balmi vialte lakah Aprroval Ratting a chiabik ah aa tel. Ukraine president Volodymyr Zelensky he telephone an ichawnh lio ah President Zelensky cu “Joe Bidden le a fapa Hunter Bidden zikhnawh an einak nan hlat/investigate lo ahcun Ralkap thazaang caah bawmhnak $214 million hi kan pe hna lai lo” tiah a ti’ tiah an biaruahnak a theitu, U.S intelegent pakhat nih a thli tein a phuan. Cucaah US congress nih Ukraine bawmhnak a ceih cangmi cu, amah pumpak political gain/hlawknak caah a hman tiah Democratic Party nih Impeachment an tuah. Asinain Senate ah GOP nih an dirhkamh caah an tuan kho lo.

Cun, Election result a cohlang duhlo ruang ah a chuakmi buainak ruang ah a voi 2nk Impeachment an tuah rih i, House nihcun an cohlang cang. Jan 19 ahhin Senate ah an ceih tthan lai i, Senate ah a sungh sual ahcun, politics ah aa tel kho ti lai lo. Asinain a term dih he aa tong cang caah Senate nih ceih loin an dihter lai tiah ruah cio a si. Donald Trump hi uartu tampi a ngeimi President a si ve ko nain US President a sinak tuanbia cu, dawhlo ngai in a dih. Credit: Zasang Cinzah