Laimi nih kan ngeihmi Gospel Singer chungin Bawi Thiang Bik nih a sakmi “Thinlung Cellphone” timi hla na ngai bal ve cang maw? Rak ngai ve cio hmanh uh! hihla a ngaimi tam deuh nih cun Pathian hla a cohlang lomi zong an um i hi hla hi cu Lovesong a si ko tiah a chimtu le atitu an um ve.

A hlabia kalning le asining an muicawl an cangning zong hi Pathian hla ah aitlak lo timi zong kan um pah hna i tampi nih cun attha ko soisel ding a um lo tiah aitu zong an um ve. Tha tein ngaih ahcun hla ttha ngainagi a si ko tiah ka ruah ve. Jesuh Khrih nakin Phone kan duh deuh nak le facebook kan duh deuhnak hla phun khi a si tiah ka ruah.

Nain, minung cu kan lungthin kan ruahnak i khah phung cu a si fawm lole, rak ngai ve cio hmanh ulaw zeitindah na hmuh ve ning le na ruah ve ning a si timi Comment ah rak langhter ve. A tam u nih cun Pathian hla ah an cohlan ko. Hla phuahtu hi John Freddy a si i, John Freddy hi hla a phuah thiam chin lengmang i a hla zong an ttha hna. Amah zong hi hlasakthiam ngaingai a si i Naomi Par Tha Sung a sakmi hla lar ngaingai a simi “Chungkhar Varam” timi hla phuahtu kha a si.

Tutan i a hla a phuahmi a satu hi Bawi Thiang Bik a si i amah zong hlasakthiam minthang pakhat Gospel singer kan i ngeihmi a si. Aluancia kum ah Album zong a kan chuahpiak i a hla zong an ttha ngaingai. Cu lawng si loin Pathian nih thluachuahnak a pek i amah bantuk Gospel singer hlasakthiam Naomi Par Tha Sung nupi a pek i kum 2019 ah tthitum thlacamnak an tuah i tukum ah fapate zong an ngei cang. A hla atangah kan chiah i ngaih khawh a si.

https://www.youtube.com/watch?v=iEOtfcE-4Kk