Update: Chin ramkulh, Hakha Pyitawthar Sang Palik Sakhan Ah Bomb Thawng Le Meithal Puah Thawng Pehtlai In A Thang. Bomb puahnal pawngkam a ummi pakhat nih “Nihin August 2 zanlei sml 3:15 hrawng in palik sakhan in meithal thawng le bomb thang a thang.

A thawng a than tuk caah kan i thup. Kan lau tuknak ah kan tha zong ther dih,” tiah The Chin Post ah a chim. Meithal le bomb thawng hi minutes 10 chung hrawng a thang i, a dai ṭhan. Bogyoke lam thluan dawr vialte zong an khar ngawt dih tiah theih a si.

Palik sakhan in puah thawng a daih hnu, zanlei sml 3:45 hrawng in Hakha thar gate ah meithal thawng le bomb thawng pehtlai in a thang ṭhan tiah theih a si. “Zanlei sml 3:45 hrawng in a puak i meithal le bomb thawng cu pehtlai in a thang ko. Atu hi inn tang ah kan i thup ko. Zeiti tuah awk le um awk kan hngal lo,” tiah Bomb puahnak pawngkam ummi pakhat nih cun The Chin Post ah a chim. Credit: The Chin Post

Min Aung Hlaing bachim: Hramhram uknak lak hram thok caan 2021 ah ram buainak, dulo-langhternak le pulrai ka tawlrel caah SAC hruaitu amah pumpak lila nih hnatlaknak a ngeihmi ASEAN hnatlaknak 5 cu ka rak tuah kho lo tiah SAC hruaitu General Min Aung Hliang nih August 1 ah a chim.

Cucaah 2022 kum chungah ASEAN hnatlaknak 5 cu papek in ka ṭuan lai i ramchung kong, biaceihnak kong, phungzulhnak kong le rampi uknak kong hnorsuannak um lo tein ka tawlrel lai tiah a chim. Kam khatlei, July 25 ah thihnak a intermi ramkhel thongtla kong ah SAC he aa tlai mi palai sawm lo ding in Malaysia Minister nih a thanh bantuk in ramdang zong nih sual an pawt len.